తెలంగాణా ఎన్నికల ఫలితాలు వెలువడ్డాక వివిధ పార్టీల నాయకుల నోట వినిపిస్తున్న సినీ గీతాలు!
అంతా భ్రాంతియేనా
జీవితానా వెలుగింతేనా!
ఆశా నిరాశేనా మిగిలేది చింతేనా!
- చంద్రబాబు
కల చెదిరింది కథ మారింది!
కన్నీరే ఇక మిగిలింది…!
కన్నీరే ఇక మిగిలింది!
- ఉత్తమకుమార్ రెడ్డి
చిలుకా ఏ తోడు లేక
ఎటేపమ్మ ఒంటరి నడక
తెలిసీ అడుగేసినావె
ఎడారంటి ఆశల వెనక!
– కోదండరామ్
దేవుడే ఇచ్చాడు వీధి ఒకటి
ఇక ఊరేల సొంత ఇల్లేల ఓ చెల్లెలా
– రేవంత్ రెడ్డి
ఒంటరినైపోయాను
ఇక ఇంటికి ఏమని పోనూ
– తెలంగాణ బిజెపి.
ఉన్నది కాస్తా ఊడింది
సర్వ మంగళం పాడింది పెళ్ళాం మెడలో నగలతో సహా తిరుక్షవరమై పోయిందీ
౼ సిపిఐ
అమ్మతో చెప్పి నేను అప్పచ్చులే తెచ్చుకుంటా అప్పచ్చులే తెచ్చుకుంటా రాహుల్ గాంధీ
కర్మణ్యే వాధికారస్తే తెలంగాణామే…మే…మే…
-నందమూరి బాలకృష్ణ
జోరుగా హుషారుగా షికారు పోదమా హాయిహాయిగా తీయతీయగా
- కెసియార్
కొడితే కొట్టాలిరా సిక్స్ కొట్టాలి
ఆడితే ఆడాలిరా రఫ్ ఆడాలి
– హరీష్రావు
చెట్టులెక్కగలనే!
ఓ చెంచిత పుట్టలెక్కగలనే!
చెట్టులెక్కి ఆ చిటారు కొమ్మల చిగురు కోయగలనే!
- కెటియార్
బాషా చూడు బాషా చూడు
ఉక్కువంటి గుండె చూడు లోకం వెంట వచ్చెను చూడరా
- కెసియార్ గురించి టిఆర్ఎస్ శ్రేణులు
నూటికో కోటికో ఒక్కరు
ఎప్పుడో ఎక్కడో పుడతారు
అది మీరే మీరే మాస్టారు
మా దేవుడు మీరే మాస్టారు
– కెసియార్ తో ఓవైసీ
అనుకున్నదొక్కటి అయినది ఒక్కటి బోల్తా కొట్టిందిలే బుల్ బుల్ పిట్టా
- బాలకృష్ణతో కూకట్పల్లి ప్రజలు
అంతన్నాడింతన్నాడే…
గంగరాజు ముంత మామిడి పండన్నాడే గంగరాజు!
- చంద్రబాబు గురించి తెలంగాణ ప్రజానీకం
సోగ్గాడే చిన్ని నాయనా
ఒక్క పిట్టనైన కొట్టలేని సోగ్గాడే సోగ్గాడు
– కోదండరామ్ గురించి జనం
సరేలే ఊరుకో….
పరేషాన్ ఎందుకో ఎడారి దారిలో ఒయాసిస్ ఉండదా!
- రాహుల్ గాంధీతో చత్తీస్ గఢ్, రాజస్థాన్ ఫలితాలు
కలవరమాయె మదిలో…
నా మదిలో…
– రాబోయే ఆంధ్రా ఎన్నికలు గుర్తొచ్చిన చంద్రబాబు
ఓ నాన్న నీ మనసే వెన్న అమృతం కన్నా అది ఎంతో మిన్న
- కెసియార్ తో కెటియార్
ఓనమాలు నేర్పాలని అనుకున్నా కన్నా, అందనంత ఎదిగిన నిను చూస్తున్నా నాన్నా
- కెటియార్ తో కెసియార్
మామయ్య అన్న పిలుపు
మా ఇంట ముద్దులకు పొద్దుపొడుపు
_ కెసియార్తో హరీశ్ రావు
నీ పాపం పండెను నేడు
నీ భరతం పడతా చూడు
నీ పాలిట యముణ్ణి నేను
నీ కరక్టు మొగుణ్ణి నేను
– ఆంధ్రజ్యోతి ఆర్కేతో KCR
పావురానికి పంజరానికి పెళ్ళి చేసె పాడులోకం కాళరాత్రికి చందమామకి ముళ్ళు పెట్టె మూఢలోకం
– కాంగ్రెస్, టిడిపి కార్యకర్తలు
ముందు తెలిసెనా ప్రభూ,
ఈ మందిరమిటులుంచేనా
_ఎన్నికలకు ముందు టిఆర్ఎస్ పార్టీ నుండి బయటకు దూకేసిన నాయకులు
పుట్టింటోళ్ళు తరిమేశారు కట్టుకున్నోడు వదిలేశాడు
- టిఆర్ఎస్ బహిష్కరించిన నాయకులు
నను కొట్టకురో తిట్టకురో బావో సుబ్బులు బావో….
- లగడపాటి
ఫైనల్ గా మహాకూటమి నాయకులంతా కలిసి పాడుకునే పాట:
”ముత్యాల చెమ్మచెక్క! రత్నాల చెమ్మచెక్క
ఓ చెలి మురిపెముగా
ఆడుదుమా కలకల కిలకిల నవ్వులతోగాజులు గలగలలాడ….”