లక్ష్మీపార్వతి వల్లే నో చాన్స్ అంటూ…. మంత్రి ఎర్రబెల్లి భావోద్వేగం
తొలిసారిగా మంత్రిగా అవకాశం దక్కించుకున్న ఎర్రబెల్లి….ఆరుసార్లు ఎమ్మెల్యేగా గెలిచారు…వరంగల్ జిల్లాకు చెందిన ఈ సీనియర్ నేతకు ప్రశంసల వెల్లువ. మీడియాతో మాట్లాడుతూ మంత్రి భావోద్వేగాలకు లోనఅయ్యారు.
ఎర్రబెల్లి కల నిజమైంది.కేసీఆర్ హామీతో మంత్రి పదవి దక్కింది.కీలకమైన వ్యవసాయ మంత్రిత్వ శాఖ బాధ్యతలు పర్యవేక్షించనున్న ఎర్రబెల్లి….ప్రమాణ స్వీకారం తర్వాత మీడియాతో మాట్లాడుతూ భావోద్వేగాలకు లోనఅయ్యారు.
ఆరుసార్లు ఎమ్మెల్యేగా గెలిచారు. తెలంగాణ శాసనసభలోని అత్యంత సీనియర్లలో నేతలు లో ఆయనొకరు.
గతంలో ఎన్టీఆర్ హయాంలోనే ఆయనకు మంత్రి పదవి దక్కాల్సింది. చంద్రబాబు హయాంలోనూ నిరాశే ఎదురైంది. నేటివరకూ అది అందని ద్రాక్షే వలే అయింది.
చివరికి కేసీఆర్తో తన చిరకాల వాంఛ నెరవేర్చుకున్నారు. ఆయనే ఉమ్మడి వరంగల్ జిల్లాకు చెందిన ఎర్రబెల్లి దయాకర్ రావు. ప్రజా నేతగా గుర్తింపు పొందిన దయాకర్ రావు.. తొలిసారిగా మంత్రి పదవి చేపట్టారు.
మంగళవారం (ఫిబ్రవరి 19) చేపట్టిన మంత్రివర్గ విస్తరణలో ఆయన ప్రమాణ స్వీకారం చేశారు. అత్యంత కీలకమైన వ్యవసాయ శాఖను ఎర్రబెల్లికి కేటాయించనున్నట్లు సమాచారం.
మంత్రిగా ప్రమాణం చేసిన అనంతరం మీడియాతో మాట్లాడుతూ ఎర్రబెల్లి భావోద్వేగానికి గురయ్యారు. సీఎం కేసీఆర్ తాను ఇచ్చిన మాట నిలబెట్టుకున్నారని.. ఆయన తనపై ఉంచిన నమ్మకాన్ని నిలబెట్టుకుంటానని తెలిపారు. ఈ సందర్భంగా టీడీపీ హయాంలో జరిగిన ఘటనలను గుర్తుకుతెచ్చుకున్నారు.
‘ఎన్టీఆర్ నాకు మంత్రి పదవి ఇస్తానన్నారు. కానీ, అప్పుడు లక్ష్మీపార్వతి అడ్డుకున్నారు. ఆమె వల్లే నాకు మంత్రి పదవి రాలేదు అని చెప్పారు.. ఆ తర్వాత చంద్రబాబు కూడా నాకు మంత్రి పదవి ఇస్తానని మాట ఇచ్చారు.
కానీ, ఆ తర్వాత మాట తప్పారు. ఇప్పుడు కేసీఆర్ తాను ఇచ్చిన మాట నిలబెట్టుకొని నాకు మంత్రి పదవి ఇచ్చారు’ అని ఎర్రబెల్లి తెలిపారు.
మంత్రివర్గ విస్తరణలో మొత్తం పది మందికి అవకాశం దక్కింది. వీరిలో ఆరుగురికి తొలిసారిగా అవకాశం దక్కింది. పాత, కొత్తల కలయికతో కేసీఆర్ తన మంత్రివర్గాన్ని రూపొందించారు.
మాజీ మంత్రులు హరీష్ రావు, కేటీఆర్, కడియం శ్రీహరి, తుమ్మల తదితర సీనియర్ నేతలకు మంత్రి పదవులు దక్కకపోవడం చర్చనీయాంశంగా మారింది.
అభిమానుల సంబరాలు..
మంత్రిగా ప్రమాణ స్వీకారం చేసిన ఎర్రబెల్లి దయాకర్ రావుకు ఉమ్మడి వరంగల్ జిల్లాకు చెందిన ఎమ్మెల్యేలు, నాయకులు అభినందనలు తెలిపారు.
మూడున్నర దశాబ్దాల ఎర్రబెల్లి రాజకీయ జీవితంలో అవినీతికి తావులేకుండా పనిచేశారనీ.. అందరినీ సమన్వయం చేయడంలో ఆయన అనుభవం, కలుపుగోలుతనం పనిచేస్తుందని వరంగల్ తూర్పు ఎమ్మెల్యే నన్నపనేని నరేందర్ అన్నారు.
ఎర్రబెల్లి అన్ని వర్గాల ప్రజల అభిమానాన్ని సొంతం చేసుకున్న గొప్ప నాయకులని ఎమ్మెల్యే రెడ్యానాయక్ తెలిపారు.
పరిచయం లేని వ్యక్తులైనా.. ఆపదలో ఉన్నారంటే ఆదుకునే స్వభావం ఉన్న మంచి నాయకుడు ఎర్రబెల్లి అని ఎమ్మెల్యే అరూరి రమేష్ పొగడ్తలు కురిపించారు.
పాలకుర్తి నియోజకవర్గంతో పాటు ఉమ్మడి వరంగల్ జిల్లాలో ఎర్రబెల్లి అభిమానులు, టీఆరెస్ కార్యకర్తలు పెద్ద ఎత్తున సంబురాలు జరుపుకుంటూన్నరు.