ఐపీఎల్ తరహాలో శ్రీలంకలోనూ టీ20 లీగ్.. LPL 2020

ప్రపంచవ్యాప్తంగా ఉన్న క్రికెట్ దేశాలన్నీ ఆర్థికంగా బలోపేతం అయ్యేందుకు ప్రైవేట్ టీ20 లీగ్స్‌‌ని ప్రారంభిస్తున్నాయి.

కానీ.. ఆదాయం, ఆదరణ విషయంలో ఐపీఎల్‌ దరిదాపుల్లోకి కూడా అవి రాలేకపోతున్నాయి.

టీ20 క్రికెట్‌లోని సిసలైన మజాని అభిమానులకి పరిచయం చేసిన టోర్నీగా ఐపీఎల్‌కి పేరు.

2008లో ప్రారంభమైన ఐపీఎల్.. భారత క్రికెట్ నియంత్రణ మండలి (బీసీసీఐ)‌కి బంగారు బాతులా మారింది.

ఎంతలా అంటే..? అంతర్జాతీయ క్రికెట్ కౌన్సిల్ (ఐసీసీ)‌ని సైతం శాసించే స్థాయికి బీసీసీఐ ఆర్థికంగా ఎదిగింది.

దాంతో.. చాలా క్రికెట్ దేశాలు ఐపీఎల్ తరహాలో ప్రైవేట్ టీ20 లీగ్‌లను ప్రారంభించాయి. కానీ.. ఆదాయం, ఆదరణ విషయంలో ఐపీఎల్‌కి అవి కనీస పోటీని కూడా ఇవ్వలేకపోయాయి.

ఐపీఎల్ తరహాలో ప్రపంచ వ్యాప్తంగా ఆరంభమైన ప్రైవేట్ టీ20 లీగ్స్‌ని ఓసారి పరిశీలిస్తే..? ఆస్ట్రేలియా‌లో బిగ్‌బాష్ లీగ్, వెస్టిండీస్‌లో కరీబియన్ ప్రీమియర్ లీగ్, పాక్‌లో పాకిస్థాన్ సూపర్ లీగ్, బంగ్లాలో బంగ్లాదేశ్ ప్రీమియర్ లీగ్, అఫ్గాన్.. అఫ్గానిస్థాన్ ప్రీమియర్ లీగ్, దక్షిణాఫ్రికాలో మాన్షీ సూపర్ లీగ్ ఇలా అగ్రశ్రేణి క్రికెట్ దేశాలతో పాటు పసికూన దేశాలు కూడా ఐపీఎల్ బాటలో నడిచాయి. కానీ.. ఇందులో బిగ్‌బాష్ లీగ్ మినహా ఎవీ చెప్పుకోదగ్గ స్థాయిలో క్లిక్ అవ్వలేదు.

తాజాగా శ్రీలంక కూడా ఓ టీ20 లీగ్‌‌ని ప్రారంభించబోతున్నట్లు తెలిసింది. లంక ప్రీమియర్ లీగ్ పేరుతో టీ20 టోర్నమెంట్‌ని ఈ ఏడాది నుంచి నిర్వహించబోతున్నట్లు శ్రీలంక క్రికెట్ బోర్డు సోమవారం అధికారికంగా ప్రకటించింది. ఈ మేరకు ఈరోజు సమావేశమైన శ్రీలంక క్రికెట్ ఎగ్జిక్యూటివ్ కమిటీ కూడా ఈ టోర్నమెంట్‌కి ఆమోదం తెలిపింది. ఆగస్టు 28 నుంచి సెప్టెంబరు 20 వరకూ ఈ టీ20 లీగ్ జరగనుండగా.. మొత్తం ఐదు జట్లు పోటీపడనున్నాయి. ఆ జట్ల పేర్లు కొలంబో, క్యాండీ, గాలే, జఫ్నా, దంబుల్లాగా నిర్ణయించారు. ఇవన్నీ ఆ దేశంలోని ప్రముఖ సిటీ పేర్లు కావడం గమనార్హం. ఇప్పటి వరకూ వెలువడిన వార్తల ప్రకారం లీగ్‌లో 23 మ్యాచ్‌లు జరగనుండగా.. 70 మంది అంతర్జాతీయ క్రికెటర్లు ఆడనున్నారు.

Leave a Reply

Your email address will not be published. Required fields are marked *

You may have missed