పెళ్లికి లక్ష.. సారెకు 10వేలు: ఆడబిడ్డలకు జనసేనా వరాలు

శ్రీకాకుళం జిల్లా తీర ప్రాంతాన్ని టూరిజం హబ్‌గా అభివృద్ధిచేసి రెండేళ్లలో లక్ష ఉద్యోగాలు సృష్టిస్తామని పవన్ హామీ ఇచ్చారు.

పాతపట్నం నియోజకవర్గంలో రిజర్వాయర్ల మరమ్మత్తులు యుద్ధ ప్రాతిపదికన చేపట్టి లక్షన్నర ఎకరాలను సాగులోకి తీసుకొస్తామని వెల్లడించారు.

ఆడబిడ్డలపై జనసేన అధ్యక్షుడు పవన్ కళ్యాణ్ వరాల జల్లు కురిపించారు. ఆడబిడ్డ ప్రతి ఇంటికీ మహాలక్ష్మి అని, తాము అధికారంలోకి వస్తే ఆడబిడ్డల వివాహానికి ‘మా ఇంటి మహాలక్ష్మి’ పథకం కింద లక్ష రూపాయలు అందిస్తామని జనసేనాని హామీ ఇచ్చారు.

అలాగే ‘పుట్టింటి సారె’ కింద రూ.10,116 ఇస్తామని చెప్పారు. ఎన్నికల శంఖారావంలో భాగంగా ఆదివారం శ్రీకాకుళం జిల్లా పాతపట్నంలో బహిరంగ సభ నిర్వహించారు.

వేలాదిగా తరలివచ్చిన జనసైనికులను, ప్రజలను ఉద్దేశించి పవన్ కళ్యాణ్ మాట్లాడారు.

శ్రీకాకుళం జిల్లా తీర ప్రాంతాన్ని టూరిజం హబ్‌గా అభివృద్ధిచేసి రెండేళ్లలో లక్ష ఉద్యోగాలు సృష్టిస్తామని పవన్ హామీ ఇచ్చారు.

పాతపట్నం నియోజకవర్గంలో రిజర్వాయర్ల మరమ్మత్తులు యుద్ధ ప్రాతిపదికన చేపట్టి లక్షన్నర ఎకరాలను సాగులోకి తీసుకొస్తామని వెల్లడించారు. “ఉత్తరాంధ్ర ప్రాంతంతో చాలా అనుబంధం ఉంది.

జనసేన పోరాటయాత్ర ఉత్తరాంధ్ర నుంచే ప్రారంభించి రాష్ట్రంలో ఒక్కొక్క సమస్య తెలుసుకోవడం మొదలుపెట్టాను.

గిడుగు రామూర్తి, తాపీ ధర్మారావు, శ్రీశ్రీ వంటి మహానుభావులు పుట్టిన ఈ నేలలో కుటుంబ రాజకీయాలు రాజ్యమేలుతున్నాయి.

ఒకటి రెండు కుటుంబాల మధ్య రాజకీయం నలిగిపోవడంతో సామాన్యులకు ప్రజాస్వామ్య ఫలం అందకుండా పోతుంది.

సామాన్యుడికి రాజకీయ ప్రయోజనాలు అందాలనే లక్ష్యంతోనే జనసేన పార్టీ స్థాపించాను’’ అని పవన్ కళ్యాణ్ అన్నారు.

ఉత్తరాంధ్ర వెనకబడిన ప్రాంతం కాదని, వెనక్కినెట్టబడిన ప్రాంతమని అన్నారు. నాగావళి, చంపావతి, మహేంద్రతనయ వంటి 16 జీవనదులు ప్రవహిస్తున్నా.. వలస రాజకీయ నాయకుల వల్లే అభివృద్ధికి దూరమైందని పవన్ విమర్శించారు.

మన భాష, యాస, సంస్కృతులను కాపాడే వాళ్లు, స్థానిక సమస్యలపై అవగాహన ఉన్న నాయకులు వస్తే తప్ప ఉత్తరాంధ్ర వెనకబాటుతనాన్ని దూరం చేయలేమని, అందుకే జనసేన పార్టీ స్థానికులకు టికెట్లు ఇచ్చి ప్రజాక్షేత్రంలో నిలబెట్టిందని పవన్ వెల్లడించారు.

ఉద్దానం కిడ్నీ సమస్య, తిల్లీ తుపాన్‌ నష్టం, ఉత్తరాంధ్ర వెనకబాటుతనం బయటకు వచ్చాయంటే దానికి కారణం జనసేన పార్టీ అని పవన్ ఉద్ఘాటించారు. ‘యువతకు 25 కేజీల బియ్యం కాదు.. 25 ఏళ్ల భవిష్యత్తు ఇవ్వడానికి వచ్చాను’ అంటూ పవన్ ఆవేశంగా అన్నారు.

Leave a Reply

Your email address will not be published. Required fields are marked *

You may have missed