పార్టీని, పార్లమెంటును వదిలేది లేదని..రెండు రోజుల్లో సెక్యూరిటీ..ఎంపీ రఘురామ సంచలన వ్యాఖ్యలు !
నా వెనుక ఉంది ఆయనే, అది పెద్ద జోక్.. ఎంపీ రఘురామ సంచలన వ్యాఖ్యలు
పార్టీని, అధినేతను ఇప్పటికీ ప్రేమిస్తున్నానని.. పార్టీని, పార్లమెంటును వదిలేది లేదని.. రెండు రోజుల్లో సెక్యూరిటీ వస్తుందన్నారు.
తన డిస్క్వాలిఫికేషన్ పిటిషనే డిస్క్వాలిఫై అవుతుందని.. ఎంపీలు ఇచ్చిన ఆధారాలతో అనర్హత వేటు కుదరదని.. తన లోక్‌సభ సభ్యత్వం రద్దు చేయడం ఎవరి వల్లకాదన్నారు.
వైఎస్సార్‌సీపీలో ఎంపీ రఘురామకృష్ణంరాజు ఎపిసోడ్ ఎన్నో మలుపులు తిరుగుతోంది. ఏకంగా పార్టీ ఎంపీలు వెళ్లి లోక్‌సభ స్పీకర్కు ఫిర్యాదు చేసి.. అనర్హత వేటు వేయాలని కొన్ని ఆధారాలను సమర్పించారు.
ఈ తాజా పరిణామాలపై రఘురామ కూడా స్పందించారు. వైఎస్సార్‌సీపీ ఎంపీల ఢిల్లీ పర్యటన, స్పీకర్కు ఫిర్యాదు చేయడంపై ఓ న్యూస్ ఛానల్‌తో మాట్లాడారు.. మరోసారి ఆసక్తికర వ్యాఖ్యలు చేశారు.
తన వెనుక ఎవరో ఉన్నారని జరుగుతున్న ప్రచారంలో నిజం లేదన్నారు నర్సాపురం ఎంపీ.
తాను వెంకటేశ్వర స్వామిని నమ్ముకున్నానని.. తన వెనుక ఎవరో ఉన్నారని పార్టీలో ఏదో అనుకుంటున్నారని చెప్పుకొచ్చారు.
తప్పును కప్పిపుచ్చుకోవడం కోసం తన వెనుక బీజేపీ ఉందని చెప్పే ధైర్యం లేక చంద్రబాబు పార్టీ పేరు చెబుతున్నారన్నారు.
తన వెనుక ఎవరూ లేరని.. తాను యువజన రైతు శ్రామిక కాంగ్రెస్ పార్టీతోనే ఉన్నాను అంటున్నారు.
ఈ ఎపిసోడ్‌లో ముందు ఎమ్మెల్యేలతో మాట్లాడించారని.. తర్వాత రాజీనామా చేయాలన్నారని.. తర్వాత రాజీనామా చేయాలని సవాల్ చేశానని గుర్తు చేశారు రఘురామ.. ఇప్పుడు స్పీకర్కు ఫిర్యాదు చేశారన్నారు.
పార్టీని, అధినేతను ఇప్పటికీ ప్రేమిస్తున్నానని.. పార్టీని, పార్లమెంటును వదిలేది లేదని.. రెండు రోజుల్లో సెక్యూరిటీ వస్తుందన్నారు.
తన డిస్క్వాలిఫికేషన్ పిటిషనే డిస్క్వాలిఫై అవుతుందని.. ఎంపీలు ఇచ్చిన ఆధారాలతో అనర్హత వేటు కుదరదని.. తన లోక్‌సభ సభ్యత్వం రద్దు చేయడం ఎవరి వల్లకాదన్నారు.
పార్టీలో క్రమశిక్షణ కమిటీ ఏర్పాటు చేసి షోకాజ్ నోటీసులు ఇవ్వాలని.. ఆ తర్వాతే సస్పెండ్ చేయాలన్నారు నర్సాపురం ఎంపీ.
నర్సాపురంలో ఉపఎన్నిక వస్తుందన్నది పెద్ద జోక్ అని.. వేటు స్పీకర్ వేయాలి.. వీళ్లు కేవలం ఫిర్యాదు మాత్రమే చేయగలరన్నారు.
అనర్హతకు అవకాశమే లేదని.. తన వీడియోను కూడా మార్ఫ్ చేసి ఆధారంగా ఇచ్చారని మండిపడ్డారు. ఇదంతా తమ పార్టీ వాళ్లే చేశారన్నారు.