మా” ఎన్నికలు సినీ ,రాజకీయ వర్గాల్లో హాట్ టాపిక్ అవుతున్నాయి.

నరేష్ వర్సెస్ శివాజీరాజాగా మారిన ‘మా’ ఎన్నికల్లో పలు ఆసక్తికరమైన పరిణామాలు చోటుచేసుకుంటూ సినీ, రాజకీయ వర్గాల్లో హాట్ టాపిక్ అవుతున్నాయి.

ఎవరికి వారు వ్యూహాత్మకంగా అడుగులు వేస్తున్నారు. అయితే అనూహ్యంగా సూపర్ స్టార్ మహేష్ బాబు మద్దతు తమకే అంటూ నరేష్ ప్యానల్ ప్రకటించడం.. ఆ వెంటనే

రంజుగా మారిన మూవీ ఆర్టిస్ట్ ఎన్నికలు

సై అంటే సై అంటున్న నరేష్, శివాజీరాజా ప్యానల్స్

చిరంజీవి సపోర్ట్ మాకే అంటున్న శివాజీరాజా ప్యానల్.

అంతలేదంటున్న జీవిత రాజశేఖర్

ఇంతకీ మహేష్, చిరంజీవి, మోహన్ బాబు, నాగార్జున, జూనియర్ ఎన్టీఆర్ తదితరులు సపోర్ట్ ఎవరికి?.

పొలిటీషియన్ పాత్రల్ని చూసి.. ఆ పాత్రల్లో నటించి.. రాజకీయాల్ని నరనరాల్లో ఇముడింపజేసుకుని రాజకీయ రణరంగంలో సై అంటూ కాలుదువ్వుతున్నారు మూవీ ఆర్టిస్ట్‌లు.

ఈనెల 10 జరగనున్న ‘మూవీ ఆర్టిస్ట్ అసోసియేషన్ ఎన్నికలు యుద్ధ వాతావరణాన్ని తలిపిస్తున్నాయి. ఇండస్ట్రీ పెద్దల అండతో గత ఎన్నికల్లో మా అధ్యక్షుడిగా ఎన్నికైన శివాజీరాజా మరోసారి అదృష్టాన్ని పరీక్షించుకునేందుకు రెడీ అవుతుంటే.

అదే ప్యానల్‌లో ప్రధాన కార్యదర్శిగా సేవలు అందించిన హీరో నరేష్ ఈసారి జీవిత రాజశేఖర్‌లతో కలిసి వేరు కుంపటి పెట్టి ‘మా’ ఎన్నికల్ని రసవత్తరంగా మార్చేశారు.

నరేష్ వర్సెస్ శివాజీరాజాగా మారిన ‘మా’ ఎన్నికల్లో పలు ఆసక్తికరమైన పరిణామాలు చోటుచేసుకుంటూ సినీ, రాజకీయ వర్గాల్లో హాట్ టాపిక్ అవుతున్నాయి. ఎవరికి వారు వ్యూహాత్మకంగా అడుగులు వేస్తున్నారు

అయితే అనూహ్యంగా సూపర్ స్టార్ మహేష్ బాబు మద్దతు తమకే అంటూ నరేష్ ప్యానల్ ప్రకటించడం.. ఆ వెంటనే మెగాస్టార్ చిరంజీవిని జీవిత రాజశేఖర్‌లతో కలిసి నరేష్ కలవడం ఆసక్తిగా మారింది. మరోవైపు శివాజీరాజా ప్యానల్ పోటా పోటీగా చిరంజీవి కలవడం.

మెగాస్టార్ సపోర్ట్ మాకే అంటూ ప్రచారం చేసుకుంటున్నారు. దీన్ని జీవితా రాజశేఖర్ డిఫెండ్ చేస్తూ.. చిరంజీవి ఎవరికీ సపోర్ట్‌ చేయలేదని.. ఎవరు గెలిచినా అందరం కలిసి పనిచేద్దాం.

హెల్దీగా కంటెస్ట్ చేసి గెలిచి రండి’ అంటూ విషెష్ అందించారని జీవితా అంటున్నారు.

ఇక ఎవరికి వారు ఎన్నికల మేనిఫేస్టోలను ప్రకటించి.. పెన్షన్ రూ. 6, మెడికల్ లైఫ్ ఇన్సూరెన్స్, కళ్యాణ లక్ష్మి లక్షా నూట పదహార్లు అంటూ ఎన్నికల హామీలకు పోటాపోటీగా గుప్పిస్తున్నారు.

అయితే మెగాస్టార్ చిరంజీవి, మోహన్ బాబు, మహేష్ బాబు, పవన్ కళ్యాణ్, జూనియర్ ఎన్టీఆర్, ప్రభాస్, నాగార్జున, వెంకటేష్ లాంటి అగ్రహీరోలు ‘మా’ ఎన్నికల్లో ఆ గట్టునుంటారో.. లేక ఈ గట్టుకొస్తారో స్పష్ఠం చేయలేదు.

ప్రస్తుతం డైలామాలో ఉన్నారు. అయితే క్రిష్ణ, మహేష్ సపోర్ట్ నరేష్ ప్యానల్ ఉండగా.. చిరంజీవి సపోర్ట్ శివాజీరాజా, శ్రీకాంత్ ప్యానల్‌కే అంటూ ప్రచారం జరుగుతుంది.

Leave a Reply

Your email address will not be published. Required fields are marked *

You may have missed