పాక్ ఎఫ్-16ను లాక్ చేశా.. అభినందన్ ఆఖరి రేడియో మెసేజ్

వైంపెల్ ఆర్-73 ఎయిర్ టు ఎయిర్ మిసైల్‌ను మిగ్ 21 బైసన్‌లో వాడతారు. ఈ మిసైల్‌తోనే పాకిస్థాన్ యుద్ధ విమానాన్ని అభినందన్ కూల్చేశారు.

ఆ తరవాత పారాచ్యూట్‌తో పాక్ ఆక్రమిత కశ్మీర్‌లో దిగి, ఆ దేశ ఆర్మీకి పట్టుబడ్డారు.

భారత గగనతలంలోకి దూసుకొచ్చిన పాకిస్థాన్ యుద్ధ విమానాన్ని వెంటాడి వేటాడి ఆ దేశ ఆర్మీకే చిక్కి, మళ్లీ భారత్‌కు తిరిగొచ్చిన మన ఎయిర్ హీరో వింగ్ కమాండర్ అభినందన్‌పై ప్రశంసల వర్షం కురుస్తోంది.

దానికి కారణం, ధైర్యంగా పాక్ ఆక్రమిత కశ్మీర్ గగనతలంలోకి దూసుకెళ్లి తన విమానం కన్నా ఎన్నో రెట్లు బలమైన ఎఫ్-16‌ను కూల్చడమే.

అయితే, అభినందన్ నడిపిన మిగ్ 21 బైసన్ పాక్ ఎఫ్-16‌ను కూల్చడాన్ని పాకిస్థాన్ మాత్రం ఇప్పటికీ అంగీకరించడంలేదు.

కానీ, తాను ‘ఆర్-73’ మిసైల్‌తో పాకిస్థాన్ ఎఫ్-16‌ను లాక్ చేసినట్లు అభినందన్ చెప్పిన మాటలు రేడియో ట్రాన్స్‌మిషన్‌లో రికార్డయ్యాయి.

మిగ్ 21 బైసన్ నుంచి అభినందన్ దూకడానికి ముందు, ఆఖరిగా ఆయన చెప్పిన మాటలు ఇవే.

వైంపెల్ ఆర్-73 ఎయిర్ టు ఎయిర్ మిసైల్‌ను మిగ్ 21 బైసన్‌లో వాడతారు. ఈ మిసైల్‌తోనే పాకిస్థాన్ యుద్ధ విమానాన్ని అభినందన్ కూల్చేశారు.

ఆ తరవాత పారాచ్యూట్‌తో పాక్ ఆక్రమిత కశ్మీర్‌లో దిగి, ఆ దేశ ఆర్మీకి పట్టుబడ్డారు.

ఆ తరవాత కథ మీకు తెలిసిందే. అయితే మిగ్ 21 బైసన్ కూలిపోవడానికి ముందు అభినందన్ ఆఖరి మెసేజ్ రేడియో టాన్స్‌మిషన్ ద్వారా రికార్డయ్యిందని ఐఏఎఫ్ అధికారులు చెబుతున్నారు.

ఆర్-73తో ఎఫ్-16ను లాక్ చేశానని అభినందన్ ఆ మెసేజ్‌లో చెప్పారని స్పష్టం చేస్తున్నారు.

బాలాకోట్ ఉగ్ర స్థావరాలపై భారత్ వైమానిక దాడులు జరిపిన తరవాత రోజు అంటే ఫిబ్రవరి 27న ఎల్ఓసీ వెంబడి ఉన్న మన ఆర్మీ క్యాంప్‌లను లక్ష్యంగా చేసుకుని పాకిస్థాన్ యుద్ధ విమానాలు దాడులకు యత్నించాయి.

పాక్ యుద్ధ విమానాలు మన గగనతలంలోకి ప్రవేశించాయని రాడార్ సిగ్నల్స్ ద్వారా ఐఏఎఫ్ గుర్తించింది.

వెంటనే అభినందన్ సహా ఆరుగురు మిగ్ 21 పైలట్లు శ్రీనగర్ నుంచి రంగంలోకి దిగారు.

అలాగే ఇతర ఎయిర్ బేస్‌ల నుంచి సుఖోయ్-30ఎంకేఐలు, మిరాజ్-2000లు, మిగ్-29లు పాక్ విమానాలపై యుద్ధానికి దిగాయి.

సుమారు 15 నిమిషాల పాటు గగనతలంలో డాగ్‌ఫైట్ జరిగింది. 1960ల్లో తయారైన పాత మిగ్-21 బైసన్‌తో అధునాతన పాకిస్థాన్ ఎఫ్-16ను అభినందన్ గురిపెట్టారు.

దూరంగా ఉన్న లక్ష్యాన్ని ఛేదించే ఆర్‌వీవీ-ఏఈ మీడియం రేంజ్ ఎయిర్ టు ఎయిర్ మిసైల్‌తో కాకుండా దగ్గర నుంచి ప్రయోగించే ఆర్-73ని అభినందన్ వాడారు.

పాక్ విమానానికి దగ్గరగా వెళ్లి ఆర్-73 మిసైల్‌తో కూల్చేశారు. ‘ఇలాంటి యుద్ధాల్లో ఆర్-73 వాడటమే మంచిది.

రష్యా తయారుచేసిన మిగ్-21తో బలమైన అమెరికన్ ఎఫ్-16 కూల్చడం బహుశా ప్రపంచంలో ఇదే తొలిసారి కావచ్చు’ అని ఓ ఐఏఎఫ్ అధికారి చెప్పారంటే అభినందన్ ఎంత ధైర్యం చేశారో అర్థమవుతోంది.

Leave a Reply

Your email address will not be published. Required fields are marked *

You may have missed