*బాబూ హెల్మెట్ ఎక్కడ.. కిరణ్ బేడీ పుదుచ్చేరి ట్రాఫిక్ సిగ్నల్స్ దగ్గర కిరణ్ బేడీ ట్రాఫిక్ పాఠాలు హెల్మెట్*

లెఫ్టినెంట్ గవర్నర్ హోదాలో ఉన్నా కిరణ్ బేడీ ట్రాఫిక్‌ రూల్స్‌పై అవగాహన కల్పించడంపై ప్రజలతో పాటూ నెటిజన్లు ప్రశంసలు కురిపిస్తున్నారు. ఆమె చొరవను అభినందిస్తున్నారు.

ట్రాఫిక్ పోలీసు అవతారమెత్తిన కిరణ్ బేడీ

పుదుచ్చేరి ట్రాఫిక్ సిగ్నల్స్ దగ్గర కిరణ్ బేడీ ట్రాఫిక్ పాఠాలుహెల్మెట్, సీటు బెల్ట్ పెట్టుకోని వాహనదారులకు క్లాస్హెల్మెట్ తప్పనిసరి చేస్తూ పుదుచ్చేరి ప్రభుత్వం నిర్ణయం

పుదుచ్చేరి లెఫ్టినెంట్ గవర్నర్ కిరణ్ బేడీ ట్రాఫిక్ పోలీసు అవతారమెత్తారు. రోడ్డుపై ట్రాఫిక్ రూల్స్ పాటించని వాహనదారుల తాట తీశారు. హెల్మెట్ లేకుండా రోడ్డుపైకి ఎందుకొచ్చారంటూ హెచ్చరించారు.

సీట్ బెల్ట్ పెట్టుకోకుండా వాహనం ఎందుకు నడుపుతున్నారంటూ నిలదీశారు. హెల్మెట్, సీట్ బెల్ట్ తప్పనిసరి చేసినా ఎందుకు పాటించడం లేదంటూ ప్రశ్నించారు. ఈ ఆసక్తికరమైన సన్నివేశం పుదుచ్చేరిలో కనిపించింది.

కిరణ్ బేడీ పోలీసులతో కలిసి ఈ స్పెషల్ డ్రైవ్ నిర్వహించారు.

పుదుచ్చేరిలోని ట్రాఫిక్ సిగ్నల్స్ దగ్గర హెల్మెట్స్ లేకుండా వెళుతున్న వాహనదారుల్ని ఆపారు.

హెల్మెట్ లేకుండా బైక్ ఎందుకు నడుపుతున్నారంటూ క్లాస్ పీకారు. ట్రిపుల్ రైడింగ్ చేస్తున్న వారిని కూడా ఆపి గట్టిగా వార్నింగ్ ఇచ్చారు.

ఓ వ్యక్తి ఇద్దరు మహిళల్ని బైక్‌పై వస్తుండగా ఆపేసి.. ఒకర్ని దించి బస్సులో వెళ్లమని చెప్పారు.

సీటు బెల్ట్ లేకుండా కారు నడిపినవారిని కూడా వదల్లేదు. డ్రైవింగ్ సీట్లు ఉన్నవారితో పాటూ.. కారులో ఉన్నవాళ్లు కూడా బెల్టు పెట్టుకోవాలంటూ హెచ్చరించారు. బేడీ దెబ్బకు అందరూ సీటు బెల్టు పెట్టుకున్నారు.

మరోసారి సీటు బెల్టు లేకుండా దొరికితే ఊరుకునేది లేదన్నారు. లెఫ్టినెంట్ గవర్నర్ హోదాలో ఉన్నా కిరణ్ బేడీ ట్రాఫిక్‌ రూల్స్‌పై అవగాహన కల్పించడంపై ప్రజలతో పాటూ నెటిజన్లు ప్రశంసలు కురిపిస్తున్నారు.

ఆమె చొరవను అభినందిస్తున్నారు.

Leave a Reply

Your email address will not be published. Required fields are marked *

You may have missed