‘చంద్రబాబు ప్రపంచంలోనే నెంబర్ 1 అవినీతిపరుడు: జగన్

చంద్రబాబు రాక్షస, అవినీతి పాలనను అంతం చేయండి.. సంక్షేమ పథకాలు, రాష్ట్ర అభివృద్ధి పరుగులు పెట్టాలన్నా.. రాజన్న రాజ్యం రావాలన్నా వైసీపీ అధికారంలోకి రావాలి.

1.టీడీపీ పాలనలో ప్రజలు లాభపడ్డారో.. నష్టపోయారో ఆలోచించుకోండి.
2.ఈ ఎన్నికలు విశ్వసనీయతకు మోసానికి మధ్య జరుగుతున్న యుద్ధం.
3.టీడీపీ అవినీతి పాలనకు అంతమొదించేందుకు మంచి అవకాశం.

ఏపీ ఎన్నికలు ఐదేళ్ల చంద్రబాబు రాక్షస పాలనకు అంతం చేసేందుకు ప్రజలకు అద్భుత అవకాశమంటున్నారు వైసీపీ అధినేత జగన్.

ఎన్నికల్లో మార్పుకు.. విలువలకు, విశ్వనీయతకు ఓటు వేయాలని పిలుపునిచ్చారు.

సంక్షేమ పథకాలు, రాష్ట్ర అభివృద్ధి పరుగులు పెట్టాలన్నా.. రాజన్న రాజ్యం రావాలన్నా వైసీపీ అధికారంలోకి రావాలనే నినాదంతో పార్టీ కార్యకర్తలు ప్రజల్లోకి వెళ్లాలన్నారు.

ప్రతి ఇంటికి వెళ్లి.. టీడీపీ పాలనలో నష్టపోయారో.. లాభపడ్డారో ఆలోచించుకోమని చెప్పాలన్నారు.

సోమవారం కాకినాడలో జరిగిన వైసీపీ సమరశంఖారావం సభలో పాల్గొన్న జగన్ ఎన్నికల నగారా మోగించారు.

‘రాష్ట్రాన్ని విడగొట్టేందుకు సహకరించింది చంద్రబాబు..

నాలుగేళ్లు కేంద్రంలో ఉండి ప్రత్యేక హోదాను తాకట్టు పెట్టారని ప్రతి గ్రామంలో చెప్పండి.

రైతు రుణమాఫీ, బ్యాంకుల్లో పెట్టిన బంగారం విడిపిస్తామని.. డ్వాక్రా రుణమాఫీలు చేస్తామని మోసం చేశారని ప్రజలకు వివరించండి.

2లక్షల 40వేలు ఉద్యోగాల భర్తీకి నోటిఫికేషన్ ఇవ్వరు.. ఉద్యోగం, ఉపాధి ఇస్తామని చెప్పి నిరుద్యోగ భృతి ఇస్తామని మోసం చేశారు.

మేనిఫెస్టోలో పెట్టిన 650 హామీలు ఇచ్చి మోసం చేశారు.. తర్వాత విచ్చలవిడిగా అవినీతి జరుగుతోంది.

ఒక్క మాటలో చెప్పాలంటే చంద్రబాబు మోసాలు చేయడంలో పీహెచ్‌డీ పూర్తి చేశారన్నారు’

‘పోలవరం ప్రాజెక్టు పునాది గోడలు తప్ప అడుగులు ముందుకు పడలేదు. రాజధాని పేరుతో 50వేల ఎకరాలు సేకరించారు..

ఆ భూముల్లో గడ్డి తప్ప ఏమీ కనిపించడం లేదు. రాజధానిలో తాత్కాలిక భవనాల తప్ప ఏమీ లేదు.. ఆ భవనాల్లోనూ వర్షం పడితే నీళ్లతో నిండుతాయి.

ఇక ఫీజు రీయింబర్స్‌మెంట్, ఆరోగ్య శ్రీని, 108ను నాశనం చేశారు..

ఇలా ఐదేళ్లలో టీడీపీ ప్రభుత్వం ఎన్నికల ముందు ఏం చెప్పింది.. తర్వాత ఏం చెప్పింది ప్రతి కుటుంబలో చర్చ జరగాలి.

మీ గ్రామాల్లో జరుగుతున్న అన్యాయాలపై చర్చించాలి.. ఎన్నికలకు ముందు జరుగుతున్న డ్రామాలపై చర్చ జరగాలి’అన్నారు.

‘చంద్రబాబు ప్రపంచంలోనే నెంబర్ 1 అవినీతిపరుడు.. ఓటుకు నోటు కేసులో దొరికిపోయారు. ఇప్పుడు చంద్రబాబు ఉన్న ఓట్లను తొలగించి.. దొంగ ఓట్లను చేరుస్తారు.

ప్రజలు ఓట్లు వేయరని తెలిసి వాళ్ల ఓట్లు తీసేయించిన నెంబర్ వన్ క్రిమినల్.

గ్రామాల్లో 35 ఇళ్లకు ఒక బూత్ కమిటీ సభ్యుడు ఉన్నారు.. వీరు ప్రతి ఇంటికి వెళ్లి ప్రతి ఒక్కరి ఓటు ఉందా లేదా చూసుకోవాలి.

ఓటర్ ఐడీ కార్డు మీద నెంబర్ ఉంటుంది.. 1950 నెంబర్‌కు ఎస్సెమ్మెస్ చేస్తే మన ఓటు ఉందా లేదా తెలుస్తోంది.

ఓటు లేకపోతే.. వెంటనే ఫారం-6 ద్వారా ఓటును నమోదు చేసుకునేందుకు దరఖాస్తు చేయాలి’అని సూచించారు.

‘ఎన్నికలు వస్తున్నాయి కాబట్టి.. ఎల్లో మీడియాతో లగడపాటి వంటి దొంగ సర్వేలు మీ ముందుకు వస్తారు.

ఎన్నికలకు 36 గంటల ముందు సర్వే ప్రకటించడం.. ఎల్లో మీడియా ప్రచారం చేయడం బాగా అలవాటు.

ఇక ఇంటిలిజెన్స్ పోలీసుల్ని చంద్రబాబు వాచ్‌మెన్ల కంటే దారుణంగా వాడుకుంటున్నారు. గ్రామాల్లో ఇంటిలిజెన్స్ వాళ్లు సర్వే చేస్తున్నారు..

వైసీపీ ఓట్లను ప్రభావితం చేసేవాళ్లను కొనుగోలు చేసే ప్రయత్నం చేస్తున్నారు.

వ్యవస్థల్ని ఇంత దారుణంగా ఉపయోగిస్తున్నారు’అంటూ మండిపడ్డారు.

‘ముఖ్యమంత్రి ఎవరు మా ఆధార్ వివరాలను ప్రైవేట్ కంపెనీలకు ఇవ్వడానికి..

ముఖ్యమంత్రి ఎవరు మన బ్యాంక్ అకౌంట్ వివరాలు దొంగిలించేందుకు..

ముఖ్యమంత్రి ఎవరు మన బ్యాంక్ అకౌంట్ వివరాలు ప్రైవేట్ కంపెనీలకు ఇచ్చేందుకు..

వ్యక్తిగత వివరాలను తన ప్రైవేట్ కంపెనీలో స్టోర్ చేసుకునేందుకు.. ఇలాంటి వ్యక్తికి ఓటు వేయాలా అని గ్రామాల్లో చర్చ పెట్టాలని’సూచించారు.

ప్రతి ఇంటికి వెళ్లి చెప్పండి.. అన్నొస్తాడు పిల్లల్ని బడికి పంపిస్తే.. అమ్మ ఒడి పేరుతో సంవత్సరానికి 15వేలు ఇస్తాడు.

రైతులకు చెప్పండి.. అన్న సీఎం అయిన వెంటనే మే మాసం వస్తే ప్రతి రైతు చేతిలో రూ.12,500 పెడతాం..

జగన్ ముఖ్యమంత్రి అయితే అన్న చేయూత కింద 45 ఏళ్లు నిండిన ఎస్సీ, ఎస్టీ, బీసీ, మైనార్టీ మహిళలకు 75 వేల రూపాయలు ఇస్తాడని చెప్పండి..

పొదుపు సంఘాలకు ఎన్నికలకు వరకు ఉన్న రుణాలు.. నాలుగు దఫాలుగా మాఫీ చేస్తాం.. మీ చేతికే ఇస్తామని ప్రతి అక్కా, చెల్లికి చెప్పండి. ప్రతి అవ్వ, తాతకు చెప్పండి..

అన్న ముఖ్యమంత్రి అయితే పింఛన్ రూ.3వేలు ఇస్తాడని చెప్పండి. ఇల్లు లేని ప్రతి ఒక్కరికి ఇల్లు కట్టిస్తామని చెప్పండి’ అన్నారు.

Leave a Reply

Your email address will not be published. Required fields are marked *

You may have missed