వాట్సాప్ డీపీలు మార్చుకోవాలని యూజర్లకు సీఈవో వార్నింగ్.. నిజమేనా

మెస్సేజింగ్ యాప్ వాట్సాప్ తమ యూజర్లను డీపీలు తొలగించుకోవాలని హెచ్చరించినట్లు ప్రచారం జరుగుతోంది.

పోలీసులు సైతం పౌరులకు కారణాలు వివరిస్తూ లేఖలు రాసినట్లు షేర్ అవుతున్నాయి.

సోషల్ మీడియా యాప్ వాట్సాప్ తమ యూజర్లను హెచ్చరించిందంటూ ఓ పోస్ట్ విపరీతంగా షేర్ అవుతోంది.

ఐస్లామిక్ స్టేట్ తీవ్రవాదులు మీ డిస్‌ప్లే పిక్చర్ (డీపీ)ను సేవ్ చేసుకుని మార్ఫింగ్ చేస్తారని.. అందుకే మీ ఒరిజినల్ ఫొటోలను తక్షణమే తొలగించాలని వాట్సాప్ వార్నింగ్ ఇచ్చినట్లు ప్రచారం జరుగుతోంది.

ఢిల్లీ పోలీస్ కమిషనర్, ఐపీఎస్ ఏకే మిట్టల్ సైతం ఇదే విషయాన్ని ప్రస్తావిస్తూ లేఖమీద సంతకం చేశారని పోస్ట్ ప్రచారంలో ఉంది.

ఐఎస్ఐఎస్ ఉగ్రవాదులుగానీ, లేక కొందరు హ్యాకర్లు యూజర్ల వాట్సాప్ నెంబర్లతో పాటు ప్రొఫైల్ ఫొటోలు సేవ్ చేసుకుని దుర్వినియోగం చేస్తారని వదంతులు వ్యాప్తి చేశారు.

ఓ 20 లేక 25 రోజులపాటు డీపీగా మీ వ్యక్తిగత ఫొటోలు అప్ లోడ్ చేయకపోవడం బెటర్ అని, దీనిపై వాట్సాప్ ఇంజినీర్లు వర్క్ చేస్తున్నారని వాట్సాప్ సీఈవో చెప్పినట్లుగా మెస్సేజ్‌లు షేర్ అవుతున్నాయి.

నిజం వాట్సాప్ సీఈవో గానీ, ఢిల్లీ పోలీసులుగానీ నెటిజన్లకు ఎలాంటి సూచన, హెచ్చరికలు చేయలేదన్నది వాస్తవం.

వెరిఫికేషన్ అండ్ మెథడాలజీ

వాట్సాప్ సీఈవో, ఢిల్లీ పోలీసుల పేరిట వాట్సాప్ డీపీలను మీ ఫొటోలు పెట్టుకోవద్దని మెస్సేజ్‌లు రెండేళ్ల కిందట కూడా షేర్ అయినట్లు టైమ్స్ ఫ్యాక్ట్ చెక్ టీమ్ గుర్తించింది.

‘మీ వాట్సాప్ డీపీగా మీ ఫొటో ఉన్నట్లయితే రిమూవ్ చేయండి.

ఐఎస్ఐఎస్ ఉగ్రవాదులు మీ ఫొటోలు సేవ్ చేసుకుని మీ కాంటాక్ట్ నెంబర్‌ను అసాంఘిక కార్యకలాపాలకు వినియోగించే అవకాశం ఉంది.

20 నుంచి 25 రోజుల పాటు జాగ్రత్తగా ఉండాలి.దయచేసి సహకరించండి’ అని మెస్సేజ్‌లు పంపుతున్నారు.

లేఖలో చూపించిన నెంబర్‌కు ఫోన్ చేస్తే అర్షద్ అలీ అనే వ్యక్తిదని తేలింది.

ఎవరో చెప్పారని, వదంతులు వ్యాపించాయని వాట్సాప్ డీపీ మార్చుకోవాల్సిన అవసరం లేదు.

ప్రైవసీ సెట్టింగ్స్‌లో ప్రొఫైల్ ఫొటోను కాంటాక్ట్ లిస్ట్, ప్రతి ఒక్కరికి, ఎవ్వరికీ కనిపించకుండా ఉండేలా సెట్ చేయవచ్చు.

తమ యూజర్లను డీపీ మార్చుకోవాలని లేకపోతే ఇస్లామిక్ స్టేట్ ఉగ్రవాదులు ఫొటోలు, కాంటాక్ట్ నెంబర్లు దుర్వినియోగం చేస్తారని వాట్సాప్ సీఈవో హెచ్చరించారనేది ఫేన్ న్యూస్ అని టైమ్స్ ఫ్యాక్ట్ చెక్ టీమ్ గుర్తించింది.

ఢిల్లీ పోలీస్ కమిషనర్ ఏకే మిట్టల్ సైతం యూజర్లకు సూచనలు చేస్తూ లేఖ రాశారన్నది అవాస్తవం.

Leave a Reply

Your email address will not be published. Required fields are marked *