ఐటీ రంగానికి భారీగా నిధుల కోత..ఏపీ బడ్జెట్ అప్‌డేట్స్..

ఏపీ బడ్జెట్ అప్‌డేట్స్.. ఐటీ రంగానికి భారీగా నిధుల కోత

కరోనా వైరస్ కారణంగా మార్చిలో ప్రవేశపెట్టాల్సిన ఆంధ్రప్రదేశ్ బడ్జెట్ వాయిదా పడింది.

దీంతో మూడు నెలల కాలానికి ఓటాన్ అకౌంట్ బడ్జెట్‌ ఆర్డినెన్స్‌ను ప్రభుత్వం తీసుకొచ్చింది.

దీని గడువు జూన్‌తో ముగియనుండగా.. ప్రస్తుతం బడ్జెట్‌ను ప్రవేశపెట్టింది.

⍟ఆంధ్రప్రదేశ్ శాసనసభలో ఆర్ధిక మంత్రి బుగ్గన రాజేంద్రనాథ్ రెడ్డి 2020-21 ఆర్ధిక సంవత్సరానికి బడ్జెట్‌ను ప్రవేశపెడుతున్నారు.

ఈ ఏడాది బడ్జెట్ రూ.2,24,751.18 కోట్ల అంచనాతో రూపొందించి, సంక్షేమానికి పెద్ద పీట వేశారు.

ఆర్ధిక మంత్రి హోదాలో ఆయన రెండోసారి బడ్జెట్ ప్రవేశపెట్టారు.

కోవిడ్-19 మహమ్మారి కారణంగా ఆర్ధిక వ్యవస్థ మందగిచడం వల్ల 2019-20 బడ్జెట్ అంచనా కంటే 1.4 శాతం తక్కువ చూపుతున్నామని, ఇందులో రెవెన్యూలోటు రూ.18,414 కోట్లు, ఆర్ధిక లోటు రూ.48,295 కోట్లు, రెవెన్యూ లోటు రూ.1.82 శాతంగా ఉంటుందని అంచనా వేశారు.

⍟ 2020-21 ఏడాదికి గానూ ఆంధ్రప్రదేశ్ బడ్జెట్‌ను శాసనమండలిలో డిప్యూటీ సీఎం పిల్లి సుభాష్ చంద్రబోస్ ప్రవేశపెట్టారు.

ఈ సందర్భంగా గవర్నర్ ప్రసంగంపై అభ్యంతరం వ్యక్తం చేసిన టీడీపీ.. ఏడు సవరణలకు ప్రతిపాదించింది.

⍟ ఆంధ్రప్రదేశ్ శాసనసభ బడ్జెట్ సమావేశాలు గవర్నర్ ప్రసంగంతో ప్రారంభం కాగా.. సభ నిర్వహణపై బీఏసీ సమావేశం నిర్వహించారు.

తొలుత శాసనమండలి బీఏసీ సమావేశమైన సభను మూడు రోజులకే పరిమితం చేయాలని నిర్ణయించారు.

టీడీపీ నుంచి బీఏసీకి యనమల రామకృష్ణుడు హాజరయ్యారు.

సభలో నాలుగు బిల్లులు, నాలుగు ఆర్డినెన్సులు ప్రవేశపెట్టనున్నట్టు ప్రభుత్వం ప్రకటించింది.

⍟ ఆంధ్రప్రదేశ్ అసెంబ్లీ బడ్జెట్ సమావేశాలు మంగళవారం ఉదయం ప్రారంభమయ్యాయి.

తొలుత ఉభయ సభల్ని ఉద్దేశించి గవర్నర్ ప్రసంగించారు.

గతానికి భిన్నంగా తొలిసారి వీడియో కాన్ఫరెన్స్ ద్వారా రాజభవన్ నుంచి గవర్నర్ ప్రసంగించడం విశేషం.

ఏడాది కాలంలో చేపట్టిన సంక్షేమ పథకాలను వివరించారు.

గత ఏడాది కాలంగా ప్రజలకు ఎన్నో సంక్షేమ కార్యక్రమాలు తీసుకొచ్చారని.. 90శాతం ఇచ్చిన హామీలను అమలు చేశారని గవర్నర్ తన ప్రసంగంలో పేర్కొన్నారు.

⍟ గవర్నర్ ప్రసంగం ముగిసిన అనంతరం సభ ఎజెండాను రూపొందించేందుకు బీఏసీ సమావేశమయ్యింది.

రెండు రోజుల పాటు సభ నిర్వహించాలని నిర్ణయించారు. దీని తర్వాత రాష్ట్ర బడ్జెట్‌ను సభలో ప్రవేశపెట్టారు.

గతేడాది కంటే ఈ ఏడాది బడ్జెట్ అంచనాల్లో కోత విధించారు. అన్ని రంగాలకు భారీగా నిధులు కేటాయింపుల్లో కోత పడింది.

⍟ఈసారి బడ్జెట్‌లో కూడా సంక్షేమ పథకాలు, నవరత్నాలకే ప్రభుత్వం అధిక ప్రాధాన్యత ఇవ్వనున్నట్లు సమాచారం.

అభివృద్ధి, సంక్షేమం సమ్మిళితం చేసేలా బడ్జెట్‌ను రూపొందించినట్లు తెలుస్తోంది.

దీనిలో భాగంగా సచివాలయంలో రాష్ట్ర మంత్రివర్గం సమావేశమైంది.

⍟ పరిపాలన వికేంద్రీకరణ అనేది కీలక అంశమని, మూడు రాజధానులు ఏర్పాటు శాసన ప్రక్రియలో ఉందన్నారు.

శాసన రాజధానిగా అమరావతి, కార్యానిర్వాహక రాజధానిగా విశాఖపట్నం, న్యాయ రాజధానిగా కర్నూలు ఉంటుందని గవర్నర్ స్పష్టం చేశారు.

⍟ ఏడాదిలో 3.98 కోట్ల మంది ప్రజలకు రూ.42వేల కోట్ల సాయం అందజేశామన్నారు. మధ్యవర్తుల ప్రమేయం లేకుండా పేదలకు సంక్షేమ పథకాలు అందిస్తున్నామని తెలిపారు.

⍟ 45 ఏళ్లు నిండిన మహిళలకు చేయూత. చేయూత కింద నాలుగేళ్లలో ఒక్కొక్కరికి రూ.75వేలు, అమ్మ ఒడి ద్వారా 42.33 లక్షల మంది తల్లులకు రూ.6,350 కోట్లు అందజేయనున్నట్టు వివరించారు.

⍟ మొత్తం బడ్జెట్ 2.25 లక్షల కోట్లు కాగా.. ఇందులో రెవెన్యూ వ్యయం రూ.1,80,392 కోట్లు, మూలధన వ్యయం అంచనాా రూ.44.396.54 కోట్లుగా పేర్కొన్నారు.

⍟ 2018-19లో స్థూల ఉత్పత్తి 8 శాతమే కాగా.. 2019-20కి అది 20 శాతానికి పెరిగిందని మంత్రి తెలిపారు.

పేద ప్రజల కష్టాలను తీర్చడానికి నవరత్నాలను అమలుచేస్తున్నట్టు మంత్రి వెల్లడించారు.

⍟ సవరించిన అంచనాల ప్రకారం రెవెన్యూ వ్యయం రూ. 1,37,518.07 కోట్లు, మూలధన వ్యయం రూ. 12,845.49 కోట్లు, రెవెన్యూ లోటు దాదాపుగా రూ. 26,646.92 కోట్లు, ఆర్థిక లోటు దాదాపుగా 40,493.46 కోట్లు, ఇవి రాష్ట్ర స్థూల జాతీయోత్పత్తిలో 2.47 శాతం, 3.75 శాతం

⍟ వ్యవసాయ రంగానికి రూ.11,891 కోట్లు కేటాయింపులు.

⍟ వైద్య రంగానికి రూ.11,400 కోట్లు, వైఎస్సార్ రైతు భరోసాకు రూ.3,600 కోట్లు.

⍟ ఎస్టీలకు రూ.1804 కోట్లు, ఎస్సీలకు రూ.7,525 కోట్లు, బీసీలకు రూ.23,405 కోట్లు, రేషన్ బియ్యానికి రూ.3వేల కోట్లు.

⍟ కాపుల సంక్షేమానికి రూ.2,845 కోట్లు, విద్యకు రూ.22,400 కోట్లు.

⍟ వైఎస్ఆర్ ఆసరా కోసం రూ.6,300 కోట్లు, వడ్డీలేని రుణాలకు రూ.1,100 కోట్లు.

⍟ వైఎస్ఆర్ గృహమిత్ర రూ.3,000 కోట్లు, వైఎస్ఆర్ వాహన మిత్ర రూ.275 .15కోట్లు.

⍟ మత్స్యకార భరోసా రూ.198 కోట్లు, బలహీన వర్గాల సంక్షేమానికి రూ.150 కోట్లు.

⍟ జగనన్న చేదోడు రూ.245 కోట్లు, నేతన్న నేస్తం రూ.200 కోట్లు, న్యాయ నేస్తం రూ.12.75 కోట్లు, జేరూసలెం యాత్రకు రూ.5 కోట్లు, రైతులకు వడ్డీలేని రుణాలు 11 వేల కోట్లు.

⍟ రైతులకు నష్టపరిహారం కోసం రూ.20 కోట్లు, జగనన్న విద్యాదీవేన 3,009 కోట్లు, బలహీనవర్గాల గృహనిర్మాణానికి రూ.150 కోట్లు.

⍟ విద్యారంగంలో నాడు-నేడు కోసం రూ.150 కోట్లు, ప్రభుత్వ జూనియర్ కాలేజీలకు రూ.493 కోట్లు, ఎస్టీలకు రూ.1804 కోట్లు.

⍟ వైఎస్ఆర్ పెన్షన్ కానుక కోసం రూ.16వేల కోట్లు, కాపు నేస్తం రూ.350 కోట్లు.

⍟ ఇమామ్‌లు, మౌజన్‌లకు రూ.50 కోట్లు, ధరల స్థిరీకరణ నిధికి రూ.3,000 కోట్లు, మైనార్టీల సంక్షేమానికి రూ.2,055 కోట్లు

⍟ రాష్ట్రీయ మాధ్యమిక శిక్షాభియాన్‌కు రూ.248 కోట్లు, నేషనల్ హెల్త్ మిషన్ రూ.1,800 కోట్లు.

⍟ వైద్య రంగానికి రూ.11,400 కోట్లు, ఆస్పత్రుల్లో నాడు-నేడు కార్యక్రమానికి రూ.3,000 కోట్లు.

⍟ కంటివెలుగు పథకానికి రూ.470 కోట్లు కేటాయింపు. వైఎస్ఆర్ ఉచిత పంటల బీమాకు రూ.500 కోట్లు.

⍟ రైతు భరోసా కేంద్రాలకు రూ.100 కోట్లు, వ్యవసాయ పరీక్ష కేంద్రాలకు రూ.65 కోట్లు.

⍟ వైఎస్ఆర్ సంపూర్ణ పోషణ పథకానికి రూ.1,500 కోట్లు, వయోవృద్ధుల సంక్షేమానికి రూ.3,456 కోట్లు.

⍟ జగనన్న విద్యాదీవెన, వసతి దీవెనకు రూ.5,009 కోట్లు.

⍟ ఉచిత విద్యుత్ కోసం రూ.425 కోట్లు, జగనన్న తోడు రూ.930 కోట్లు.

⍟ సీతంపేట, పార్వతీపురం, చింతూరు, రంపచోడవరం,కేఆర్ పురం, శ్రీశైైలం ఐటీడీఏ పరిధిలో ఆరు సూపర్ స్పెషాలిటీ హాస్పిటల్స్ ఏర్పాటుకు ప్రతిపాదన.

⍟ యువత, నైపుణాభివృద్ధికి రూ.856 కోట్లు, పంచాయతీరాజ్, రూరల్‌ డెవలప్‌మెంట్‌కు రూ. 16710.34 కోట్లు.

⍟ పశుగాణాభివృద్ధి, మత్స్యరంగానికి రూ.1279.78 కోట్లు కేటాయింపులు.

⍟హోంశాఖకు రూ.5,988.72 కోట్లు, జలవనరుల శాఖకు రూ. 11,805.74 కోట్లు

⍟ న్యాయశాఖకు రూ. 913.76 కోట్లు, మున్సిపల్‌ పట్టణాభివృద్ధి శాఖలకు రూ. 8150.24 కోట్లు.

⍟ పౌరసరఫరాల శాఖకు రూ. 3,520.85 కోట్లు

⍟ ఆర్థిక రంగానికి రూ. 50,703 కోట్లు.

⍟ విద్యుత్‌ రంగానికి రూ. 6,984.72 కోట్లు

⍟ సోషల్‌ వెల్ఫేర్‌ కోసం రూ.12,465.85 కోట్లు, ట్రాన్స్‌పోర్టు, ఆర్‌అండ్‌బీ కోసం రూ.6,588.58 కోట్లు

⍟ మహిళా, శిశు, దివ్యాంగులు, వయోవృద్ధుల కోసం రూ.3456.02 కోట్లు.

⍟ పీఎం ఆవాజ్‌ యోజన అర్బన్‌కు రూ.2540 కోట్లు, పీఎం ఆవాజ్‌ యోజన (గ్రామీణం) రూ.500 కోట్లు

⍟ పారిశ్రామికాభివృద్ధికి 2,075. 56 కోట్లు, డ్వాక్రా సంఘాలకు రూ.975 కోట్లు

⍟ అగ్రిగోల్డ్ బాధితుల పరిహారం కోసం రూ.200 కోట్లు కేటాయింపు.

⍟ వైఎస్ఆర్ నవోదయం పథకానికి రూ.904 కోట్లు, కుటుంబ సంక్షేమ కేంద్రాలకు రూ.204 కోట్లు, 104 సేవలకు రూ.150 కోట్లు.

⍟ రాజధానిలో మౌలికవసతుల కోసం రూ.500 కోట్లు, గ్రామ సచివాలాయాలకు రూ.1,634 కోట్లు, గ్రామ వాలంటీర్లకు రూ.1,104 కోట్లు.

⍟ ఉన్నత విద్యకు 12.38 శాతం, పంచాయితీ రాజ్‌కు 47 శాతం, టూరిజం 53 శాతం, ఐటీ రంగానికి 56 శాతం కోత విధించారు.

⍟ అనంతపురం-అమరావతి జాతీయ రహదారికి రూ.100 కోట్లు.

⍟ బీసీల అభివృద్ధికి రూ.25,333 కోట్లు, వైద్య విదాన్ పరిషత్‌కు రూ.743 కోట్లు.

⍟ వైఎస్ఆర్ కృషి వికాస్ యోజనకు రూ.230 కోట్లు, ప్రాథమిక ఆరోగ్య కేంద్రాలకు రూ.743 కోట్లు, నేషనల్ హార్టికల్చర్ రూ.150 కోట్లు.

⍟ సాధారణ పరిపాలనకు రూ.878.01 కోట్లు, రియల్‌ టైం గవర్నెన్స్‌ కోసం రూ.54.51 కోట్లు, వ్యవసాయ ల్యాబ్‌లకు రూ.65 కోట్లు.

Leave a Reply

Your email address will not be published. Required fields are marked *

You may have missed