సెల్‌ఫోన్ డ్రైవింగ్‌కు 4రోజుల జైలుశిక్ష.. హైకోర్టు ఆగ్రహం

వి.భరద్వాజ అనే యువకుడు సెల్‌ఫోన్ మాట్లాడుతూ డ్రైవింగ్ చేస్తుండగా ట్రాఫిక్ పోలీసులు పట్టుకున్నారు. అతడిని సైబరాబాద్ నాలుగో మెట్రోపాలిటన్ కోర్టులో ప్రవేశపెట్టగా జడ్జి అతడికి నాలుగు రోజుల జైలుశిక్ష విధించారు.

సెల్‌ఫోన్ డ్రైవింగ్‌కు నాలుగు రోజుల జైలు శిక్ష విధించడం హైదరాబాద్‌లో సంచలనంగా మారింది.ఈ తీర్పుపై హైకోర్టు ఆగ్రహం వ్యక్తం చేస్తూ కొట్టిపారేసింది.న్యాయమూర్తులు జైలులో ఉంటే ఆ బాధేంటో తెలుస్తుందని ధర్మాసనం వ్యాఖ్యానించింది.

రోడ్డు ప్రమాదాలను నివారించేందుకు సెల్‌ఫోన్ మాట్లాడుతూ, మద్యం తాగి వాహనాలు నడపొద్దంటూ ట్రాఫిక్ పోలీసులు ప్రచారం చేస్తుంటారు.

ట్రాఫిక్ నిబంధనలు ఉల్లంఘించే వారికి జరిమానా విధిస్తుంటారు.

ఇటీవల కాలంలో డ్రంకన్ డ్రైవ్‌లో పట్టుబడిన వారికి కొద్దిరోజుల పాటు జైలుశిక్ష కూడా విధిస్తున్న ఘటనలు చూస్తూనే ఉన్నాం.

అయితే సెల్‌ఫోన్ మాట్లాడుతూ డ్రైవింగ్ చేస్తున్న ఓ యువకుడికి న్యాయస్థానం ఏకంగా నాలుగు రోజుల జైలుశిక్ష విధించడం హైదరాబాద్‌లో సంచలనంగా మారింది.

అయితే ఈ తీర్పుపై హైకోర్టు ఆగ్రహం వ్యక్తం చేస్తూ జైలుశిక్ష రద్దు చేయడం గమనార్హం.

వి.భరద్వాజ అనే యువకుడు సెల్‌ఫోన్ మాట్లాడుతూ డ్రైవింగ్ చేస్తుండగా ట్రాఫిక్ పోలీసులు పట్టుకున్నారు.

అతడిని సైబరాబాద్ నాలుగో మెట్రోపాలిటన్ కోర్టులో ప్రవేశపెట్టగా జడ్జి అతడికి నాలుగు రోజుల జైలుశిక్ష విధించారు.

అయితే కోర్టు తీర్పును సవాలు చేస్తూ భరద్వాజ మేనమామ హైకోర్టులో అత్యవసరంగా మంగళవారం పిటిషన్‌ దాఖలు చేశారు.

దీనిపై జస్టిస్‌ ఆర్‌.ఎస్‌.చౌహాన్‌, జస్టిస్‌ టి.అమర్‌నాథ్‌గౌడ్‌లతో కూడిన ధర్మాసనం విచారణ చేపట్టింది.

భరద్వాజ నిబంధనలను ఉల్లంఘించిన మాట వాస్తవమే అయినప్పటికీ, ఎలాంటి ప్రమాదం జరగలేదన్న విషయాన్ని అయినా పరిగణనలోకి తీసుకుని కింది కోర్టు జరిమానా విధించి ఉండాల్సిందని ధర్మాసనం వ్యాఖ్యానించింది.

జైలుకెళ్లి వచ్చిన వారిని సమాజం ఎలా చూస్తుందో ఊహించి ఉండాల్సిందని, కుటుంబ స్థితిని కూడా పరిగణనలోకి తీసుకోవాలని, న్యాయాధికారులు దోషులుగా ఒక్క రోజు జైలులో ఉండి వస్తే ఆ బాధ ఏమిటో తెలుస్తుందని తీవ్ర వ్యాఖ్యలు చేసింది. అధికారం ఉందని ఇలా దుర్వినియోగానికి పాల్పడకూడదని హెచ్చరించింది.

ఓ తీర్పు వెలువరించే ముందు అన్ని అంశాలను పరిగణనలోకి తీసుకోవాలని తాము మాటిమాటికీ చెబుతూనే న్యాయమూర్తులు పట్టించుకోవడం లేదని ఆగ్రహం వ్యక్తం చేసింది.

Leave a Reply

Your email address will not be published. Required fields are marked *