YS Jagan: రామ్.. నీ తెలివితేటలు సినిమాల్లో.. మీ చౌదరి బాబాయ్ పరార్‌పై మాట్లాడు.. అసలు గుట్టు ఇదీ!
విజయవాడ స్వర్ణ ప్యాలెస్ ఘటనపై టాలీవుడ్ హీరో రామ్ పోతినేని స్పందించడంతో ఈ ఇష్యూ సినీ వర్గాల్లోనూ హాట్ టాపిక్ అయ్యింది.
అదన్నమాట సంగతి.. స్వర్ణ ప్యాలెస్ ఘటనపై హీరో రామ్ ఘాటుగా స్పందించడం ఏంటి?? సీఎం జగన్‌ని ఉద్దేశించి సంచలన ట్వీట్లు చేయడం ఏంటి??
ఆయన్ని హెచ్చరించడం ఏంటి?? అసలు స్వర్ణ ప్యాలెష్ ఘటనకి హీరో రామ్‌కి సంబంధం ఏంటి?.. సినీ, రాజకీయ వర్గాల్లో ఉదయం నుంచి ఇదే చర్చ.
విజయవాడలోని స్వర్ణప్యాలేస్ కోవిడ్ సెంటర్ లో అగ్నిప్రమాదం జరిగి 10 మంది మృత్యువాత పడిన విషయం తెలిసిందే.
ఈ ఘటనలో విచారణ కమిటీ దర్యాప్తులో అనేక సంచలన విషయాలు వెలుగుచూస్తున్నాయి.
ఇప్పటికే కొంతమందిని అదుపులోకి తీసుకోగా.. డాక్టర్ రమేష్‌తో సహా స్వర్ణ ప్యాలేస్ హోటల్ యజమాని పరారీలో ఉన్నారు.
అయితే ఈ ఇష్యూలోకి ఇస్మార్ట్ శంకర్ ఎంటరై.. స్మార్ట్‌గా కాకుండా కాస్త హార్డ్‌గానే ముఖ్యమంత్రి జగన్‌ని ఉద్దేశించి వరుస ట్వీట్లు చేశారు.
పెద్ద కుట్ర జరుగుతున్నట్టుంది.. సీఎంని తప్పుగా చూపించడానికి.. వైఎస్ జగన్ గారూ.. మీ కింద పనిచేసే కొంతమంది మీకు తెలియకుండా చేసే కొన్ని పనుల వల్ల మీ రెప్యుటేషన్ కు, మీ మీద మేం పెట్టుకున్న నమ్మకానికి డ్యామేజ్ కలుగుతోంది.
వాళ్ల మీద ఓ లుక్కేస్తారని ఆశిస్తున్నాం., ఫైర్ + ఫీజు = ఫూల్స్ అంద‌రినీ ఫూల్స్ చేయ‌డానికే విష‌యాన్ని ఫైర్ నుంచి ఫీజు వైపు మ‌ళ్లిస్తున్నారా?
ఫీజుల వివ‌ర‌ణ: మేనేజ్‌మెంట్ బాధ్య‌త‌ల‌ను నిర్వ‌హిస్తున్న స్వ‌ర్ణ‌ప్యాలెస్‌ డైరెక్ట్ గా బిల్లింగ్ చేసింది., స్వర్ణ ప్యాలెస్‌లో రమేష్ హాస్పిటల్ యాజమాన్యం కోవిడ్ సెంటర్ నిర్వహించకముందే.. అక్కడ ప్రభుత్వమే క్వారంటైన్ సెంటర్ నిర్వహించింది.
అప్పుడు ఈ అగ్ని ప్రమాదం జరిగి ఉంటే ఎవరినీ నిందించే వాళ్లు? అంటూ బిల్స్‌తో సహా వరుస ట్వీట్లు చేసి ప్రభుత్వాన్ని ప్రశ్నించారు హీరో రామ్.
అయితే హఠాత్తుగా రమేష్ హాస్పటల్ ఇష్యూలో రామ్ ఎందుకు కలుగ జేసుకున్నారు.
ఆ రమేష్ చౌదరికి ఈ రామ్‌కి సంబంధం ఏంటి అంటే.. డాక్టర్ రమేష్ చౌదరి అన్న కొడుకేనట రామ్.
అంటే రమేష్ చౌదరి హీరో రామ్‌కి స్వయానా బాబాయ్ అన్నమాట.
అందుకే తన బాబాయ్‌ని ఇబ్బందులు పెట్టడంతో ఇలా ఇస్మార్ట్ శంకర్ రంగంలోకి దిగి ట్వీట్లు వదిలడంతో జగన్ ఫ్యాన్స్ అంతే స్పీడ్‌గా కౌంటర్లు ఇస్తున్నారు.
హలో ఇస్మార్ట్ శంకర్.. కాస్త కంట్రోల్ అమ్మా.. నీ సినిమా తెలివితేటలు పోయి అక్కడ చూపించుకో మా దగ్గర కాదు’అంటూ కౌంటర్లు ఇస్తున్నారు.
అంతేకాదు రామ్ పోతినేని ఎవరూ ఏంటి? ఎందుకు స్పందించారో తెలియజేస్తూ సోషల్ మీడియాలో పోస్ట్‌లు పెడుతున్నారు.
ఇష్యూలో రామ్‌ని ఉద్దేశించి ఒక పోస్ట్ సోషల్ మీడియాలో వైరల్ అవుతోంది. అందులో ఏమి ఉందంటే..
‘సినిమా హీరో రామ్ పోతినేని Dr. రమేష్ చౌదరి సోదరుని కుమారుడు. ఇప్పుడు ఈయన పరారీలో ఉండటంతో తన బాబాయిని వెనకేసుకొస్తున్నాడు ఈ హీరో అంటూ రామ్ చేసిన మూడు ట్వీట్లకు మూడు కౌంటర్ ప్రశ్నలు వేశారు.
- ర‌మేశ్ హాస్పిట‌ల్‌ని కోవిడ్ సెంటర్ గా మార్చిన‌ప్పుడు అగ్ని ప్రమాదం జ‌రిగితే బాధ్య‌త ఎవ‌రు తీసుకోవాలి.
- పేషెంట్ల దగ్గర బిల్లులు ఎవ‌రు వ‌సూలు చేస్తున్నారో వాళ్లే బాధ్య‌త తీసుకోవాలి.
- ఫైర్+ఫీజు= ఫూల్స్
- 30 మందిలో 26 మందికి నెగిటివ్ ఉంటే… వారిని కోవిడ్ సెంట‌ర్లో పెట్టి చికిత్స చేయాల్సిన అవ‌స‌రం ఏమొచ్చింది. కోవిడ్ అని భ‌య‌పెట్టి బిల్లులు గుంజ‌డానికి కాదా.
- పెద్ద కుట్ర జ‌రుగుతోంది..
- ఎవ‌రి మీద ఎవ‌రు చేస్తున్నారో అంధ్రప్రదేశ్ జనం చూస్తున్నారు . మొన్న జూమ్ మీటింగ్‌లో కూడా చూశారు. కేంద్ర రాష్ట్ర ప్ర‌భుత్వాలు పనిచేయ‌డం లేద‌ని చంద్రబాబుతో క‌లిసి ర‌మేశ్ చౌదరి పెట్టిన గ‌గ్గోలు జనం చూశారు.
- తాను ఎలాంటి త‌ప్పు చేయ‌నప్పుడు ర‌మేశ్ చౌదరి ఎందుకు పరారీలో ఉన్న‌ట్టు. ప్ర‌భుత్వానికి దర్యాప్తులో స‌హ‌కరించి ఉంటే బాగుండేది’ అంటూ రామ్‌కి కౌంటర్లు ఇస్తున్నా జగన్ అభిమానులు.
అయితే రామ్ ఏమాత్రం వెనక్కి తగ్గకుండా.. హ్యాపీ ఇండిపెండెన్స్ డే అంటూ స్వాతంత్ర్యం ఉందా అంటూ వ్యగ్యంగా ట్వీట్ చేశాడు.
అంతేకాదు స్వర్ణ ప్యాలస్, ఏపీ ఈజ్ వాచింగ్ అంటూ హ్యాష్ ట్యాగ్స్ కూడా ఇచ్చాడు రామ్.