తెలంగాణల నుంచి పోటీ చేసే ఎంపీ అభ్యర్థులను ప్రకటించింది…
ఏపీ, తెలంగాణ కాంగ్రెస్ ఎంపీ అభ్యర్థుల జాబితా.. ఏపీ బరిలో ఆసక్తికర పేర్లు
కాంగ్రెస్ పార్టీ ఏపీ, తెలంగాణల నుంచి పోటీ చేసే ఎంపీ అభ్యర్థులను ప్రకటించింది. ఏపీ జాబితా ఆసక్తికరంగా ఉంది. ఆ పార్టీ దిగ్గజాలు మరోసారి బరిలో నిలుస్తున్నారు.
కాంగ్రెస్ పార్టీ ఏపీ, తెలంగాణల నుంచి పోటీ చేసే ఎంపీ అభ్యర్థులను ప్రకటించింది.
ఏపీ జాబితా ఆసక్తికరంగా ఉంది.
ఆ పార్టీ దిగ్గజాలు మరోసారి బరిలో నిలుస్తున్నారు.
కాంగ్రెస్ పార్టీ తెలంగాణ, ఆంధ్రప్రదేశ్‌ల నుంచి లోక్ సభకు పోటీ చేసే అభ్యర్థుల జాబితాను ప్రకటించింది. ఇదివరకే తెలంగాణ నుంచి పోటీ చేసే 8 మంది అభ్యర్థుల జాబితాను ప్రకటించిన కాంగ్రెస్ తాజాగా.. మరో 8 మంది పేర్లను ప్రకటించింది. ఖమ్మం స్థానాన్ని పెండింగ్‌లో ఉంచింది. ఏపీలో 25 లోక్ సభ స్థానాలు ఉండగా.. ఆ పార్టీ 22 స్థానాలకు అభ్యర్థులను ప్రకటించింది. తెలంగాణ అభ్యర్థుల విషయానికి వస్తే.. టీపీసీసీ చీఫ్ ఉత్తమ్ కుమార్ రెడ్డి నల్గొండ నుంచి ఎంపీగా పోటీ చేయనున్నారు.
ఏపీ అభ్యర్థుల విషయానికి వస్తే.. నర్సాపురం నుంచి కనుమూరి బాపిరాజుకు టికెట్ ఇవ్వగా.. అరకు నుంచి శ్రుతి దేవి, కాకినాడ నుంచి పల్లం రాజు, బాపట్ల నుంచి జేడీ శీలం, తిరుపతి నుంచి చింతా మోహన్‌లకు టికెట్ ఇచ్చింది. విశాఖ, విజయవాడ, నంద్యాల లోక్ సభ స్థానాలకు కాంగ్రెస్ పార్టీ అభ్యర్థులను ప్రకటించలేదు.
తెలంగాణ అభ్యర్థుల జాబితా:
- మహబూబ్ నగర్ – సీహెచ్ వంశీచందర్ రెడ్డి
- నల్గొండ – ఉత్తమ్ కుమార్ రెడ్డి
- వరంగల్ – దొమ్మాటి సాంబయ్య
- భువనగిరి – కోమటిరెడ్డి వెంకట రెడ్డి
- నాగర్ కర్నూల్ – మల్లు రవి
- నిజామాబాద్ – మధు యాష్కీ గౌడ్
- హైదరాబాద్ – ఫిరోజ్ ఖాన్
- సికింద్రాబాద్ – అంజన్ కుమార్ యాదవ్
టీ.కాంగ్రెస్ ఎంపీల తొలి జాబితా
ఏపీ ఎంపీ అభ్యర్థుల జాబితా:
- అరకు – శృతిదేవీ
- శ్రీకాకుళం – డోలా జగన్ మోహన్ రావు
- విజయనగరం – యడ్ల ఆదిరాజు
- అనకాపల్లి – శ్రీ రామమూర్తి
- కాకినాడ – పల్లంరాజు
- అమలాపురం – జంగా గౌతమ్
- రాజమండ్రి – ఎన్.వి. శ్రీనివాస్ రావు
- నరసాపురం – కనుమూరి బాపిరాజు
- ఏలూరు – జెట్టి గురునాథరావు
- మచిలీపట్నం – గొల్లు కృష్ణ
- గుంటూరు – ఎస్‌కే మస్తాన్ వలీ
- నరసరావుపేట – పక్కాల సూరిబాబు
- బాపట్ల – జేడీ శీలం
- ఒంగోలు – సిరివెల్ల ప్రసాద్
- కర్నూలు – అహ్మద్ అలీఖాన్
- అనంతపురం – కె. రాజీవ్ రెడ్డి
- హిందూపూర్ – కె.టి. శ్రీధర్
- కడప – జి.శ్రీరాములు
- నెల్లూరు – దేవకుమార్ రెడ్డి
- తిరుపతి – చింతా మోహన్
- రాజంపేట – షాజహాన్ బాషా
- చిత్తూరు – చీమల రంగప్ప