వైసీపీ నేతల అరాచకాన్ని అమిత్ షాకు చెప్పేశా.. కేంద్ర బలగాలు వస్తాయ్.. ఎంపీ కృష్ణంరాజు సంచలనం

వైసీపీ ఎంపీ రఘురామ కృష్ణంరాజు వ్యవహారం రోజుకో మలుపు తిరుగుతోంది. తాజాగా, ఆయనసంచలన వ్యాఖ్యలు చేశారు.

వైఎస్సార్ కాంగ్రెస్ పార్టీ ఎంపీ రఘురామ కృష్ణంరాజు వ్యవహారం ఇంకా దుమారం రేపుతోంది.

పశ్చిమగోదావరి జిల్లా ఎస్పీకి ఆదివారం మధ్యాహ్నం ఎంపీ రఘురామ కృష్ణంరాజు పీఎస్ కృష్ణ వర్మ ఫిర్యాదు చేయగా.. సాయంత్రానికి ఈ వ్యవహారం లోక్‌సభ స్పీకర్ ఓం బిర్లా, కేంద్ర హోం మంత్రి అమిత్ షా వద్దకు చేరింది.

వైసీపీ నేతల నుంచి తనకు ప్రాణహాని ఉందని లోక్‌సభ స్పీకర్‌, హోం మంత్రికి లేఖ రాశారు.

తన సొంత పార్టీ వైసీపీకి చెందిన కొందరు తనను చంపుతామని బెరిరిస్తున్నారని ఎంపీ రఘురామ కృష్ణంరాజు వాపోయారు.

వెంటనే తన నియోజకవర్గానికి కేంద్ర బలగాలు పంపించి తనకు రక్షణ కల్పించాలని విజ్ఞప్తి చేశారు.

తనను చంపేస్తామని బెదిరించిన వారిపై ఫిర్యాదు చేసినా స్థానిక పోలీసులు పట్టించుకోలేని వివరించారు.

స్పీకర్‌కు రాసిన లేఖనే హోంమంత్రికి కూడా పంపించినట్లు వెల్లడించారు.

అలాగే మీడియాతో ఎంపీ రఘురామ కృష్ణంరాజు మాట్లాడుతూ..

గతంలో ఎస్ఈసీ నిమ్మగడ్డ రమేష్ కుమార్ రాష్ట్రంలో అరాచకం నడుస్తుందంటే ఏంటో అనుకున్నానని, ప్రస్తుతం తాను స్వయంగా ఆ పరిస్థితిని అనుభవిస్తున్నట్లు వ్యాఖ్యానించారు.

కేంద్రం కచ్చితంగా తన కోసం బలగాలను పంపిస్తుందని ఆశాభావం వ్యక్తం చేశారు. రాష్ట్ర పోలీసులకు ఫిర్యాదు చేసినా పట్టించుకోలేదని, అందుకే కేంద్ర బలగాలను రప్పించేందుకు లేఖ రాసినట్లు తెలిపారు.

తన దిష్టిబొమ్మలను దగ్ధం చేసిన, తనను దూషించిన ఎవరినీ వదిలిపెట్టబోనని స్పష్టం చేశారు. తనకు రక్షణ కల్పించకపోతే కోర్టును ఆశ్రయిస్తానని వెల్లడించారు.

Leave a Reply

Your email address will not be published. Required fields are marked *

You may have missed