జగన్ నేను యాక్టర్‌నే.. జైలుకెళ్లిన మిమ్మల్ని ఏమని పిలవాలి?: పవన్
జగన్ నేను యాక్టర్‌నే.. జైలుకెళ్లిన మిమ్మల్ని ఏమని పిలవాలి?: పవన్
ఏడాదిన్నర జైలుకెళ్లి వచ్చిన మిమ్మల్ని ఏమని పిలవాలి? నన్ను టీడీపీ పార్టనర్ అంటున్నారు. మరి మీరు టీఆర్ఎస్ పార్టనరా? మోదీ పార్టనరా? అని జగన్‌ను పవన్ ప్రశ్నించారు.
1.ఏడాదిన్నర జైలుకెళ్లి వచ్చిన మిమ్మల్ని ఏమని పిలవాలి?
2.నన్ను టీడీపీ పార్టనర్ అంటున్నారు.
3.మరి మీరు టీఆర్ఎస్ పార్టనరా? మోదీ పార్టనరా? అని జగన్‌ను పవన్ ప్రశ్నించారు.
ప్రకాశం జిల్లా మార్కాపురంలో నిర్వహించిన ఎన్నికల ప్రచార సభలో జనసేనాని పవన్ కళ్యాణ్ ప్రతిపక్ష నేత వైఎస్ జగన్‌పై మరోసారి విమర్శలు గుప్పించారు. జగన్ తనను పదే పదే యాక్టర్ అనడం పట్ల పవన్ ఘాటైన బదులిచ్చారు. ‘జగన్ మోహన్ రెడ్డి నన్ను యాక్టర్ అని సంబోధిస్తున్నారు. ఒప్పుకుంటా.. నేను నటుణ్నే, అది నా వృత్తి. మీరు ఏడాదిన్నర జైల్లో ఉండి వచ్చారు కదా. మిమ్మల్ని ఏమని పిలవాలి మరి?’ అని పవన్ ప్రశ్నించారు. మీరు మహాత్మా గాంధీనా లేదంటే పూల సుబ్బయ్య గారా? అని నిలదీశారు.
జగన్ తనను టీడీపీ పార్టనర్ అనడం పట్ల పవన్ మండిపడ్డారు. జగన్ మిమ్మల్ని ఎవరి పార్టర్నర్ అని పిలవాలి? టీఆర్ఎస్ పార్టనర్ అని పిలవాలా? అమిత్ షా పార్టనర్ అని పిలవాలా? మోదీ పార్టనర్ అని పిలవాలా? అని జనసేనాని ప్రశ్నించారు. నేను యాక్టర్‌నే కానీ సినిమాలను వదిలేసి రాజకీయాల్లోకి వచ్చానన్నారు.
ఈ తరానికి అండగా ఉండటానికి వచ్చాను. ప్రకాశం జిల్లాకు మాటిస్తున్నా.. ఇక్కడే నేను ఓనమాలు నేర్చుకున్నా. నేలతల్లి మీద ఒట్టేసి చెబుతున్నా.. నేను మీకు అండగా ఉంటానని పవన్ ఉద్వేగంగా మాట్లాడారు. జనం కోసమే తిట్లు పడుతున్నానని పవన్ తెలిపారు.