కోడికత్తి కేసు.. ఎన్ఐఏ కోర్టు కీలక ఆదేశాలు

కోడికత్తి కేసు.. ఎన్ఐఏ కోర్టు కీలక ఆదేశాలు
విశాఖ విమానాశ్రయంలో వైసీపీ అధినేతపై జరిగిన దాడి కేసులో జాతీయ దర్యాప్తు సంస్థ విచారణ కొనసాగుతోన్న విషయం తెలిసిందే. ఈ కేసులో ఇటీవలే చార్జ్‌షిట్ సైతం ఎన్ఐఏ దాఖలు చేసింది.

1.కోడి కత్తి కేసులో జాతీయ దర్యాప్తు సంస్థ కోర్టు కీలక ఆదేశాలు.
2.జగన్‌పై దాడి కేసును రహస్యంగా విచారించాలని ఉత్తర్వులు.
3.విచారణ వివరాలను మీడియాకు వెల్లడించరాదని వ్యాఖ్య.

వైసీపీ అధినేత జగన్‌మోహన్‌రెడ్డిపై విశాఖ విమానాశ్రయంలో జరిగిన దాడి కేసులో జాతీయ దర్యాప్తు సంస్థ విచారణ కొనసాగుతోన్న విషయం తెలిసిందే.

ఈ కేసులో ఇటీవలే చార్జ్‌షిట్ సైతం ఎన్ఐఏ దాఖలు చేసింది.

అయితే, ఎన్ఐఏ విచారణపై కోర్టు కీలక ఆదేశాలు జారీ చేసింది. ఇకపై ఈ కేసును రహస్యంగా విచారించాలని విజయవాడలోని ఎన్ఐఏ కోర్టు ఉత్తర్వులు వెలువరించింది.

ఈ కేసులో నిందితులు, న్యాయవాదుల భద్రత దృష్ట్యా ఈ నిర్ణయం తీసుకున్నట్టు తెలిపింది. అంతేకాదు, విచారణకు సంబంధించిన వివరాలను ఎలక్ట్రానిక్, ప్రింట్ మీడియాలో ప్రచురణ చేయడానికి వీల్లేదని స్పష్టం చేసింది.

వైసీపీ అధ్యక్షుడిపై గతేడాది అక్టోబర్‌ 25న విశాఖ ఎయిర్‌పోర్టులో కోడి కత్తితో శ్రీనివాసరావు అనే వ్యక్తి దాడికి పాల్పడిన విషయం తెలిసిందే.

ఈ కేసును రాష్ట్ర ప్రభుత్వం తప్పుదోవ పట్టిస్తోందని, కాబట్టి దీనిని జాతీయ దర్యాప్తు సంస్థకు అప్పగించాలని వైసీపీ నేతలు హైకోర్టులో పిటిషన్ దాఖలు చేశారు.
టాప్ వ్యాఖ్య.

మీకు విజ్ఞప్తి చేస్తున్నాను కోడి కత్తి కేసు అని అనడం మానేయండి అది జగన్ పై హత్యా ప్రయత్నం కేసు అనండి విలేఖరుల ను కోరుకుంటున్నదీనిపై విచారణ చేపట్టిన ఉమ్మడి హైకోర్టు,

దాడి జరిగిన ప్రదేశం కేంద్ర ప్రభుత్వం పరిధిలోకి వస్తుంది కాబట్టి జాతీయ సంస్థలకు ఇవ్వొచ్చని అభిప్రాయపడింది. దీంతో కేసును ఎన్‌ఐఏకు అప్పగించింది.

అయితే, కోడికత్తి కేసు ఎన్‌ఐఏకు అప్పగించడం పట్ల ఏపీ ప్రభుత్వం అభ్యంతరం వ్యక్తం చేసింది. ఉగ్రవాదం, విమానాల హైజాక్‌ కేసులను దర్యాప్తు చేసే సంస్థకు కోడికత్తి అప్పగించడమేంటని కోర్టులో వాదనలు వినిపించింది. అయినా ఈ కేసును ఎన్ఐఏకు అప్పగించడానికే హైకోర్టు మొగ్గుచూపింది.

నిందితుడు శ్రీనివాసరావును అదుపులోకి తీసుకుని విచారించిన ఎన్ఐఏ అధికారులు, చార్జ్‌షీట్ దాఖలు చేశారు.

గతంలో రాష్ట్ర పోలీసులు ఈ కేసు దర్యాప్తు అనంతరం సమర్పించిన నివేదికలోని పేర్కొన్నట్టు నిందితుడు శ్రీనివాస్ ఉద్దేశపూర్వకంగానే దాడిచేసినట్టు ఎన్ఐఏ కూడా పేర్కొంది.

Leave a Reply

Your email address will not be published. Required fields are marked *

You may have missed