డేటా చోరీ కేసులో: తెలంగాణ సర్కార్‌పై టీడీపీ పరువు నష్టం దావా!

డేటా చోరీ వ్యవహారంలో ఏపీ, తెలంగాణ ప్రభుత్వాల మధ్య వివాదం ముదురుతోంది.

మాటల యుద్ధం కాస్త ఒకరిపై ఒకరు కేసులు పెట్టేదాకా వెళుతోంది. ఏపీ ప్రజల డేటా మీకు ఎలా వచ్చిందంటూ ఎదురుదాడి.

1.ఏపీ, తెలంగాణ ప్రభుత్వాల మధ్య మరింత రాజుకున్న వివాదం.
2.డేటా చోరీ కేసులో దూకుడు పెంచిన ఏపీ సర్కార్.
3.తెలంగాణ ప్రభుత్వంపై పరువు నష్టం దావాకు సిద్ధమైన టీడీపీ.
4.ఏపీ ప్రజల డేటాను ఎలా తస్కరిస్తారంటూ ఎదురుదాడి.

డేటా చోరీ వ్యవహారం కీలక మలుపు దిశగా తిరుగుతోంది. ఇప్పటిదాకా తెలంగాణ ప్రభుత్వం, ఏపీ సర్కార్ మధ్య మాటల యుద్ధం, రాజకీయ ఆధిపత్యంగా కొనసాగిన వివాదం..

ఇప్పుడు ఒకరిపై మరొకరు కేసులు పెట్టే దిశగా వెళుతోంది.

ఐటీ గ్రిడ్స్ విషయంపై తెలంగాణ ప్రభుత్వం వ్యవహరిస్తున్న తీరుపై టీడీపీ సర్కార్ ఆగ్రహం వ్యక్తం చేస్తోంది.

తమ డేటాను తెలంగాణ ప్రభుత్వం చోరీ చేసిందని ఆరోపిస్తూ కేసు పెట్టాలని నిర్ణయం తీసుకుంది.

ఈ మేరకు తెలంగాణ ప్రభుత్వంపై పరువు నష్టం దావా వేయాలని టీడీపీ పార్టీ నిర్ణయం తీసుకున్నట్లు తెలుస్తోంది.

అయిదేళ్లుగా తాము ఎంతో కష్టపడి రూపొందించుకున్న డేటాను ఎవరి చేతుల్లోనో ఎలా పెడతారంటూ టీడీపీ నేతలు మండిపడుతున్నారు. ఎన్నికల ముందు ఏపీ ప్రభుత్వాన్ని అప్రతిష్టపాలు చేయాలనే కుట్రతోనే తెలంగాణ సర్కార్ ఈ ఐటీ గ్రిడ్స్ ఉదంతానికి తెర తీసిందని ఆరోపిస్తున్నారు.

హైదరాబాద్ కేంద్రంగా పనిచేస్తున్న ఐటీ గ్రిడ్స్ సంస్థ ఏపీ ప్రజలకు సంబంధించిన అత్యంత సున్నితమైన డేటాను భద్రపరిచినట్లు తెలంగాణ పోలీసులు గుర్తించిన విషయం తెలిసిందే. దీని వెనుక టీడీపీ పార్టీ, ఏపీ ప్రభుత్వ ప్రమేయం ఉండొచ్చని తెలంగాణ పోలీసులు అనుమానిస్తున్నారు.

ఏపీ సర్కార్ సహకారంలేనిదే రాష్ట్ర ప్రజల వ్యక్తిగత సమాచారం వారికి ఎలా చేరిందని ప్రశ్నిస్తున్నారు.

ఈ ఆరోపణల నేపథ్యంలో తెలంగాణ ప్రభుత్వంపై టీడీపీ నేతలు ఎదురుదాడి ప్రారంభించారు.

డేటా చోరీ వ్యవహారంలో కేసీఆర్ సర్కార్ పరిధి దాటి ప్రవర్తిస్తున్నారంటూ టీడీపీ నాయకులు విమర్శిస్తున్నారు. ఫెడరల్ వ్యవస్థలో రాష్ట్రాలన్నీ పరస్పరం సహకరించుకుంటూ ఎదిగే విధానాన్ని తాము ఇంతవరకూ చూశామని..

ఒక రాష్ట్రాన్ని మరో రాష్ట్రం కబళించే పరిస్థితిని ఇప్పుడే చూస్తున్నామంటూ టీడీపీ నేతలు ఎదురుదాడికి దిగారు. రోజురోజుకూ వివాదం ముదురుతోంది.

తాజాగా వైఎస్సార్ సీపీ నేతలు, బీజేపీ నేతలు గవర్నర్ నరసింహన్‌ను కలిసి డేటా చోరీ అంశంపై ఫిర్యాదు చేశారు.

Leave a Reply

Your email address will not be published. Required fields are marked *

You may have missed