వైసీపీకి జైకొట్టిన మరో టాలీవుడ్ సినిమా రచయిత…

వైసీపీ కండువా కప్పుకొన్న సినీ రచయిత చిన్నికృష్ణ
వైసీపీకి జైకొట్టిన మరో టాలీవుడ్ సినిమా రచయిత. జగన్ సమక్షంలో పార్టీలో చేరిన చిన్నికృష్ణ. ఇటీవలే ఏపీ ప్రజలు జగన్‌కు ఓటేయాలని పిలుపునిచ్చిన సినీ రచయిత.

వైసీపికి మద్దతు పలికి పవన్‌ను టార్గెట్ చేసిన చిన్నికృష్ణ.
ఏపీలో వైసీపీ క్లీన్ స్వీప్ చేస్తుందన్న సినీ రచయిత.
జగన్ ముఖ్యమంత్రి కావడం ఖాయమని ధీమా.

వైసీపీలోకి వలసలు కొనసాగుతున్నాయి. గురువారం ప్రముఖ సినీ రచయిత చిన్నికృష్ణ వైసీపీలో చేరారు. పశ్చిమగోదావరి జిల్లా పాలకొల్లులో జరిగిన వైసీపీ ప్రచార సభలో పార్టీ కండువా కప్పుకున్నారు. చిన్నికృష్ణను జగన్‌ సాదరంగా పార్టీలోకి ఆహ్వానించారు.

వైసీపీలో చేరడం ఆనందంగా ఉందని.. ఏపీ ఎన్నికల్లో వైసీపీ క్లీన్‌ స్వీప్‌ చేస్తుందని ధీమా వ్యక్తం చేశారు. జగన్‌ ముఖ్యమంత్రి కావడం ఖాయమని చిన్నికృష్ణ చెప్పారు. మాజీ ఎమ్మెల్యే టీవీ రామారావు కూడా జగన్ సమక్షంలో వైసీపీలో చేరారు.

చిన్నికృష్ణ ఇటీవలే వైసీపీకి మద్దతు పలికారు. వైఎస్ జగన్‌కు ఏపీ ప్రజలంతా మద్దతు తెలపాలని పిలుపునిచ్చారు. జగన్‌, కేసీఆర్‌లపై పవన్ కళ్యాన్ చేసిన వ్యాఖ్యలకు కౌంటర్ ఇచ్చారు.

మెగా ఫ్యామిలీతో ఇండస్ట్రీకి ఒరిగిందేమీ లేదన్నారు. ఎన్నో ఏళ్లుగా తెలంగాణలో ప్రజలంతా అన్నదమ్ముల్లా కలిసుంటున్నారని.. వాళ్ల మధ్య విద్వేషాలు రెచ్చగొట్టే ప్రయత్నం చేయడం సరికాదన్నారు.

పవన్ చేస్తున్న రెచ్చగొట్టే వ్యాఖ్యలతో హైదరాబాద్‌లో తమ మీద దాడులు జరిగితే.. పవన్ వచ్చి కాపాడతారా అని ప్రశ్నించారు.

Leave a Reply

Your email address will not be published. Required fields are marked *

You may have missed