అలీ.. సీటు దక్కలేదని వైసీపీలో చేరారు: టీడీపీ ఎమ్మెల్సీలు…

అలీని బెదిరించి వైసీపీలో చేర్చారు: టీడీపీ ఎమ్మెల్సీలు…కమెడియన్ అలీ సోమవారం (11-03-2019) చంద్రబాబును కలుస్తానని చెప్పారు.

తెలంగాణ ముఖ్యమంత్రి కేసీఆర్ బెదిరించడంతో వైఎస్ జగన్ దగ్గరకు వెళ్లి.. వైసీపీలో చేరారు.

1.చంద్రబాబు సీఎం కావాలని అలీ కోరుకున్నారు.
2. సీటు దక్కలేదనే అలీ వైసీపీలో చేరారు.
3. వైసీపీని కేసీపీగా మార్చేశారు.

సస్పెన్స్ థ్రిల్లర్ సినిమాలా ట్విస్ట్ ఇచ్చిన కమెడియన్ అలీ వైసీపీలో చేరిపోయారు.

జగన్ సమక్షంలో పార్టీ కండువా కప్పేసుకున్నారు. జగన్‌ను ముఖ్యమంత్రిని చేయడమే లక్ష్యమని ప్రకటించారు.

అయితే అలీని బెదిరించి వైసీపీలో చేర్చారని కొత్త వాదనను తెరపైకి తెచ్చింది టీడీపీ.

చంద్రబాబును కలుస్తానని తమతో చెప్పి.. అలీ వెళ్లి వైసీపీలో చేరారని ఆరోపిస్తోంది. సోమవారం మీడియాతో మాట్లాడిన టీడీపీ ఎమ్మెల్సీలు బుద్దా వెంకన్న, డొక్కా మాణిక్యవరప్రసాద్ సంచలన వ్యాఖ్యలు చేశారు.

అలీ సోమవారం (11-03-2019) చంద్రబాబును కలుస్తానని తనతో చెప్పారంటున్నారు ఎమ్మెల్సీ బుద్దా వెంకన్న. కానీ తెలంగాణ సీఎం కేసీఆర్ బెదిరింపులతో వైఎస్ జగన్ దగ్గరకు వెళ్లి.. వైసీపీలో చేరారని ఆరోపించారు.

చంద్రబాబు ముఖ్యమంత్రి కావాలని కోరుకున్న అలీని బెదిరించి పార్టీలో చేర్చుకున్నారని చెప్పుకొచ్చారు.

జగన్ తన పార్టీని వైసీపీకి బదులుగా కేసీపీగా మార్చారని.. మోదీ, కేసీఆర్ ఒత్తిడి తెచ్చే మొదటి విడతలోనే ఏపీలో ఎన్నికలు పెట్టించారని ఆరోపించారు.

ప్రత్యర్ధుల ఎన్ని కుట్రలు పన్నినా.. టీడీపీ సిద్ధంగా ఉందన్నారు బుద్దా. అభివృద్ధి-సంక్షేమం చంద్రబాబు చరిత్రైతే.. జైలు జీవితం-అవినీతి జగన్ చరిత్రన్నారు.

ప్రతిపక్షాలను పడగొట్టడానికి టీడీపీకున్న ఆయుధాలు ప్రజలేనని.. పార్టీ మారిన వాళ్లు తమ సొంత వాళ్లైనా.. తానూ మంత్రి దేవినేని ఉమ పట్టించుకోవడం లేదన్నారు.

మంత్రి దేవినేని ఉమ సోదరుడు ఎప్పుడో వైసీపీలో చేరారని.. ఇప్పుడు మళ్లీ వైసీపీలో చేరారంటూ హడావుడి చేస్తున్నారని మండిపడ్డారు.

టీడీపీలో సీటు రాదనే కొందరు ఇతర పార్టీల వైపు వెళ్తున్నారని ఎమ్మెల్సీ డొక్కా మాణిక్య వరప్రసాద్ అంటున్నారు.

సీఎం చంద్రబాబు నాయకత్వం కావాలన్న అలీ.. సీటు దక్కలేదని వైసీపీలో చేరారన్నారు.

ఏపీ ప్రజల భవిష్యత్తుకు టీడీపీ భరోసా ఇస్తుందని.. సంక్షేమ, అభివృద్ధి కార్యక్రమాలే టీడీపీని గెలిపిస్తాయంటున్నారు మాణిక్య వరప్రసాద్.

Leave a Reply

Your email address will not be published. Required fields are marked *

You may have missed